ବାହାନଗା୨୨ା୨(ଡି.ଏନ.ଏ.): ବାଲେଶ୍ୱର ଜିଲା ଔପଦା ବ୍ଲକ ଖନ୍ତାପଡା ଥାନା ଅଧୀନ ଦକ୍ଷୀଣନରସିଂପୁର ପଞ୍ଚାୟତ ଚଷାଖଣ୍ଡ ଗ୍ରାମର ଦଳେଇ ସାହିରେ ଝାଡାବାନ୍ତି ବ୍ୟାପି ଗତ ୪ଦିନ ମଧ୍ୟରେ ୫ଜଣ ମହିଳା ଓ ପୁରୁଷ ଆକ୍ରାନ୍ତ ହୋଇଥିଲେ। ସେମାନଙ୍କ ମଧ୍ୟରୁ ଗୁରୁତର ଥିବା ଜଣେ ମହିଳାଙ୍କର ବାଲେଶ୍ୱର ମୁଖ୍ୟ ଚିକିତ୍ସାଳୟରେ ମୃତ୍ୟୁ ହୋଇଛି। ଗ୍ରାମର ଅନ୍ୟ ୪ ଜଣ ଚିକିତ୍ସାଧୀନ ଅଛନ୍ତି।
ଗ୍ରାମର ମଦନ ଦଳେଇଙ୍କ ପନତ୍ୀ କମଳିନୀ ୫ଦିନ ତଳେ ଝାଡାବାନ୍ତିରେ ଆକ୍ରାନ୍ତ ହୋଇ ଘରୋଇ ଚିକିତ୍ସା ହେଉଥିଲେ। ତେବେ ତାଙ୍କର ଅବସ୍ଥା ଗୁରୁତର ହେବାରୁ ପରିବାର ଲୋକେ କମଳିନୀଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ନେଇଯାଇଥିଲେ। ସେଠାରେ ତାଙ୍କର ମୃତ୍ୟୁ ଘଟିଛି। ତେବେ ଗ୍ରାମର ସନାତନ ଦଳେଇ, ଶଙ୍କରା ଦଳେଇ, ମହେଶ୍ୱର ଦଳେଇ, କାଳିଆ ଦଳେଇ ପ୍ରମୁଖ ଝାଡାବାନ୍ତିରେ ଆକ୍ରାନ୍ତ ହୋଇ ଗ୍ରାମରେ ଥିବା ଏଏନ୍ଏମ୍ ସେଣ୍ଟରରେ ପ୍ରାଥମିକ ଚିକିତ୍ସା ସୁବିଧା ନ ପାଇ ଆକ୍ରାନ୍ତ ହେବାର ଦିନକ ପରେ ନିକଟସ୍ଥ ଖନ୍ତାପଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆସି ପ୍ରାଥମିକ ଚିକିତ୍ସା ପରେ ଘରେ ଅଛନ୍ତି। ତେବେ ଚଷାଖଣ୍ଡ ଗ୍ରାମରେ ଏକମାତ୍ର ସରକାରୀ ଏଏନ୍ଏମ ସେଣ୍ଟର ଥିଲେ ମଧ୍ୟ ସେଠାରେ କୌଣସି ପ୍ରାଥମିକ ଚିକିତ୍ସା ଅଧିକାରୀ ନ ରହିବା ଓ ସବୁବେଳେ ତାଲା ଝୁଲିବା ଫଳରେ ଗ୍ରାମବାସୀ କୌଣସି ସୁଫଳ ପାଉନାହାନ୍ତି। ଫଳରେ ଲୋକମାନେ ଝାଡାବାନ୍ତି ରୋଗରେ ଆକ୍ରାନ୍ତ ହୋଇ ମୃତ୍ୟୁମୁଖରେ ପଡୁଛନ୍ତି। ସରକାର ଗ୍ରାମରେ ଖୋଲିଥିବା ଏଏନଏମ ସେଣ୍ଟର କାର୍ଯ୍ୟକ୍ଷମ ନ କରିବେ ତାହେଲେ ଆଗାମୀ ଦିନରେ ଗ୍ରାମବାସୀ ଆନ୍ଦୋଳନାମତ୍କ ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି।
