ଭୋପାଳ, ୧୫।୫: ମଧ୍ୟପ୍ରଦେଶର ଝବୁଆରେ ଜୋଣ ସ୍କୁଲ ଶିକ୍ଷକ ଛାତ୍ରୀଙ୍କୁ ୧୬୮ଟି ଚାପୁଡା ମାରି ଗିରଫ ହୋଇଛନ୍ତି। ଛାତ୍ରୀ ଜଣଙ୍କ ହୋମ ଓ୍ବାର୍କ କରି ନ ଥିବାରୁ ଏପରି ଦଣ୍ଡ ଦେଇଛନ୍ତି ଶିକ୍ଷକ ବୋଲି ପୋଲିସ କହିଛି। ସୂଚନାଯୋଗ୍ୟ, ଝବୁଆ ସରକାରୀ ସ୍କୁଲରେ ୬ଷଷ୍ଠ ଶ୍ରେୀରେ ପଢୁଥିବା ଜଣେ ଛାତ୍ରୀ ଜାନୁଆରୀ ୧୧ ଦିନ ହୋମଓ୍ବାର୍କ କରି ନ ଥିଲେ। ଏଥିରେ ଉତ୍କ୍ଷିପ୍ତ ହୋଇ ଶିକ୍ଷକ ମନୋଜ କୁମାର ବର୍ମା ୧୪ଛାତ୍ରଙ୍କୁ ଏକାଠି କରି ଉକ୍ତ ଛାତ୍ରୀ ଜଣଙ୍କୁ ଚାପୁଡା ଲଗାଇଥିଲେ। ପ୍ରତିଦିନ ଛାତ୍ରଙ୍କୁ କହି ଚାପୁଡା ଲଗାଉଥିଲେ ବୋଲି ଛାତ୍ରୀ ଜଣଙ୍କର ପିତା ଶିବ ପ୍ରତାପ ସିଂହ ପୋଲିସରେ ଅଭିଯୋଗ କରିଥିଲେ। ୬ଦିନ ପର୍ଯ୍ୟନ୍ତ ଏଭଳି ଘଟଣା ଚାଲିବା ପରେ ତାଙ୍କୁ ପିତା ପୋଲିସରେ ମାମଲା ରୁଜୁ କରିଥିଲେ। ଛାତ୍ରୀ ଜଣଙ୍କ ଅସୁସ୍ଥ ଥିବାରୁ ହୋମଓ୍ବାର୍କ କରିପାରି ନ ଥିଲେ। ଏନେଇ ସ୍କୁଲରେ ମଧ୍ୟ ଜଣାଥିଲେ। କିନ୍ତୁ ଶିକ୍ଷକ ଜଣଙ୍କ ଜାଣିଶୁଣି ତାଙ୍କୁ ଚାପୁଡା ମାରିଥିଲେ ବୋଲି ତାଙ୍କ ପିତା କହିଛନ୍ତି। ଘଟଣା ପରେ ଅଭିଯୁକ୍ତ ଶିକ୍ଷକ ଫେରାର ଥିଲେ। ପୋଲିସ ବହୁ ଖୋଜାଖୋଜି ପରେ ମଙ୍ଗଳବାର ଗିରଫ କରିଛି।
