କେସିଙ୍ଗା,୧୨।୭(ଡି.ଏନ୍.ଏ.): କଳାହାଣ୍ଡି ଜିଲା ଚିକିତ୍ସା ଅଧ୍କାରୀକଁର ନିରଦେଶରେ ଚିନ୍ମୟୀକୁଁ ଉଚ ଚିକିସତ୍ା ଲାଗି କଟକ ଶିଶୁ ଭବନକେ ଗୁରୁବାର ପଠାଯାଇଛେ। କେସିଙ୍ଗା ସହର ଓ୍ବାର୍ଡ ନଂ.୩ରେ ରହୁଥିବାର ବିନୋଦ ବିଶି(୨୬) ଆର ମାଏକିନା ପିରବତୀ ବିଶି(୨୩)କଁର ଗୁଟେ ବଲି ଝି’ ହେଉଛନ୍ ଚିନ୍ମୟୀ। ହେଲେ ଚିନ୍ମୟୀ ଜନମ ହେବାର ଦିନାକେତେ ଉତାରୁ ତାକର ମୁଡ଼େ ପାଏନ୍ ଜମବାର ଆରମ୍ ହେଇଥିଲା। ସେ ଦିନୁଦିନ୍କେ ଖାଏବାର ପିଇବାର କମେଇ ଦେବାର ସଂଗେ ଶୁଇବାରେ ବି ଅସବିଧା ଦେଖାଦେଇଥିଲା। ଇଆଡ଼େ କୁଲି ମଜୁରି କରି କୁଟୁମ ପୁଷୁଥିବାର ବିନୋଦ ପକ୍ଷେ ଝି’ର ଚିକିସତ୍ା କରାବାର ଅସମ୍ଭବ ହେଇଯାଇଥିଲା। ଇ ବାବ୍ଦେ ଗଲା ୧୦ ତାରିଖ ଧରିତ୍ରୀ ସମ୍ବଲପୁର ସଂସ୍କରଣରେ‘ଜୀବନ୍ ମରନ୍ ସଂଗେ ଯୁଝୁଛନ୍ ଚିନ୍ମୟୀ’ ଶୀରଷକ୍ରେ ଖବର ବାହାରିଥିଲା। ଖବର ବାହାରଲା ଉତାରୁ ଜିଲା ସୁଆସ୍ତିଅ ବିଭାଗ ହରକତରେ ଆସିଥିଲା। କଳାହାଣ୍ଡି ଜିଲା ଚିକିସତ୍ା ଅଧ୍କାରୀ ଡା.ବନଲତା ଦେବୀ ଚିନ୍ମୟୀର ଚିକିସତ୍ା ଲାଗି ଅନ୍ଲାଇନ ନଁା ରେଜିଷ୍ଟ୍ରେସନ କରି ଗୁରୁବାର ଡା.ଝସକେତନ ସାହୁକଁର ଦେଖ୍ରେଖରେ ଗୁଟେ ଆମ୍ବୁଲାନ୍ସରେ କଟକ ଶିଶୁ ଭବନକେ ପଠେଇଛନ୍। ଇ ବାବ୍ଦେ ସିଡିଏମ୍ଓ ବନଲତା ଦେବୀକୁଁ ପଚରାଲାରୁ ଛୁଆର ସବୁ ଚିକିସତ୍ା ମାହାଲିଆ କରାଯିବା ବଲି ସେ କହିଥିଲେ।
