ନାଁ ଏବଂ ପ୍ରସିଦ୍ଧି ଲାଭ କରିବା ଲାଗି ଲୋକେ ବିଭିନ୍ନ ପ୍ରକାର ପନ୍ଥା ଆପଣେଇଥାନ୍ତି। କିଛି ବ୍ୟକ୍ତିଙ୍କୁ ଏହା ଶର୍ଟକଟ୍ରେ ମିଳିଯାଉଥିବା ବେଳେ କିଛି ଲୋକ ଏଥିପାଇଁ ନିଜ ଜୀବନକୁ ବାଜି ଲଗେଇଦେବାକୁ ମଧ୍ୟ ପଛାନ୍ତି ନାହିଁ। ସେହିଭଳି ଜଣେ ଅଦ୍ଭୁତ ମହିଳା ହେଉଛନ୍ତି ଜୋଏ ଇଲିସ୍। ଜୋଏ ଚଳନ୍ତା ଟେବୁଲ ଫ୍ୟାନକୁ ଜିଭ ସାହାଯ୍ୟରେ ଅଟକାଇ କରିଛନ୍ତି ରେକର୍ଡ। ଜୋଏ ପେଷାରେ ଜଣେ ସର୍କସ୍ ଆର୍ଟିଷ୍ଟ। କିଛି ନିଆରା କରିବା ଲକ୍ଷ୍ୟ ନେଇ ଜୋଏ ଏଭଳି ଏକ ଅଭ୍ୟାସ କରିବା ଆରମ୍ଭ କରିଥିଲେ। ପରବର୍ତ୍ତି ସମୟରେ ସେ ଗୋଟିଏ ମିନିଟ୍ରେ ୨ଟି ଦ୍ରୁତ ଚାଳିତ ବୈଦ୍ୟୁତିକ ଫ୍ୟାନକୁ ୩୨ଥର ନିଜ ଜିଭ ସାହଯ୍ୟରେ ଅଟକାଇ ସ୍ଥାନ ପାଇଛନ୍ତି ଗିନିଜ ଓ୍ବାଲର୍ଡ ରେକର୍ଡରେ।
