କେନ୍ଦୁଝର, ୧୧ା୫(ସ୍ବ.ପ୍ର.)-କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ଓଡିଶା ଖଣି ନିଗମର ଶୁଆକାଟୀ ଗନ୍ଧମାର୍ଦ୍ଦନ ଲୌହଖଣିରେ ସ୍ବୀକୃତିପ୍ରାପ୍ତ ରେଜିଙ୍ଗ ଏଜେନ୍ସି କଳିଙ୍ଗ କମର୍ସିଆଲ କର୍ପୋରେଶନ ଲିଃ ପକ୍ଷରୁ କୋଭିଡ-୧୯ ପ୍ରତିକାର ପାଇଁ ୨ଟି ସ୍ବତନ୍ତ୍ର ସାନିଟାଇଜ୍ ଟନେଲ ସ୍ଥାପନ କରାଯାଇଛି। ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ଏହି କରୋନା ସଂକ୍ରମଣ ନିରୋଧି ବିଶୋଧନ ଟନେଲ ମଧ୍ୟ ଦେଇ କର୍ମଚାରୀ କାମକୁ ଯିବା ପୂର୍ବରୁ ଏବଂ ପରେ ଏହା ଭିତରେ ପଶି ୭ ସେକେଣ୍ଡ ପାଇଁ ଛିଡା ହେଲେ ସମଗ୍ର ଶରୀର ବିଶୋଧନ ହେବ। ଏଥିସହ ଖଣିରେ କାର୍ଯ୍ୟ କରୁଥିବା ସମସ୍ତ କର୍ମଚାରୀଙ୍କ ସୁରକ୍ଷା ପାଇଁ ହାତଧୁଆ ସାବୁନ, ମାସ୍କ, ସାନିଟାଇଜର ଦିଆଯିବା ସହ କରୋନା ଭଳି ମହାମାରୀ ରୋଗର ପ୍ରତିରୋଧ କରିବା ପାଇଁ କାମ ସମୟରେ ସାମାଜିକ ଦୂରତ୍ୱ ନିୟମକୁ କଡାକଡି ପାଳନ କରାଯାଉଛି। କରୋନା ପ୍ରତିକାର ପାଇଁ ଖଣି ମଧ୍ୟରେ କେସିସି ପକ୍ଷରୁ ବ୍ୟାପକ ସଚେତନତା ହାତକୁ ନିଆଯାଇଛି।
(ଫଟୋ)
