ରୂପ୍ସା, ୨୯।୩(ଡି.ଏନ.ଏ.)-କରୋନା କଟକଣା ସତ୍ତ୍ୱେ ବାଲେଶ୍ୱର ଜିଲା ରୂପ୍ସା ଥାନା ଲଛମନଖୁଣ୍ଟା ଅଞ୍ଚଳରେ ଗାଁ ପୋଖରୀ ହୁଡ଼ାରେ ଅବାଧରେ ଜୁଆ ଖେଳ ଚାଲିଥିବା ଅଭିଯୋଗ ହୋଇଥିଲା। ଶନିବାର ରାତିରେ ପୋଲିସ ଚଢ଼ାଉ କରି ଜୁଆ ଆଡ୍ଡାରୁ ୪ଜଣଙ୍କୁ ଗିରଫ କରିବା ସହ ଘଟଣାସ୍ଥଳରୁ ଗୋଟିଏ ବାଇକ୍ (ନଂ. ଓଡ଼ି୦୧ଏସ୍-୦୧୪୯), ୩ଟି ମୋବାଇଲ, ନଗଦ ୧୧ଶହ ୨୦ଟଙ୍କା ସହ ଜୁଆପାଲି ଜବତ କରିଛି। ଗିରଫ ଅଭିଯୁକ୍ତ ହେଲେ ଲଛମନଖୁଣ୍ଟା ଗ୍ରାମର ଅବଦୁଲ ରଫିକ ଖାଁ, ହନିଫ ଖାଁ, ସାଫିର ମଲିକ ଓ ସିଦିକ ଖାଁ। ଏନେଇ ରବିବାର ଏକ ମାମଲା (ନଂ. ୨୬/୨୦) ରୁଜୁ ହୋଇଛି। ସମସ୍ତ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିଲା। ସେମାନଙ୍କ ଜାମିନ ନାମଞ୍ଜୁର ହେବାରୁ ଜେଲ ହାଜତକୁ ପଠାଯାଇଛି। ଆଇଆଇସି ବିଶ୍ୱଜ କୁମାର ରାଉତରାୟ ସଦଳବଳେ ଚଢ଼ାଉ କରିଥିଲେ।
