ବର୍ତ୍ତମାନ ସମୟରେ ମେଦବହୁଳତା ଏକ ଜଟିଳ ସମସ୍ୟା ପାଲଟିଛି। ଏହି ସମସ୍ୟା ଦେଇ ଗତିକରୁଛନ୍ତି ବିଶ୍ୱର ଅଧିକାଂଶ ଲୋକ। ତେବେ ଏଥିରୁ ମୁକ୍ତି ପାଇବା ପାଇଁ ଯିଏ ଯାହା କହିଥାଏ, ଆମେ କରିଥାଉ। କେହି କେହି ଏଥିରୁ ମୁକ୍ତି ପାଇବା ପାଇଁ ଲିକ୍ୱିଡ୍ ଡାଏଟ ଆପଣାଇଥାନ୍ତି। ତେବେ ଆପଣ ଯଦି ଏପରି କରୁଥାନ୍ତି ତେବେ ଆପଣଙ୍କୁ ଏହାର କୁପରିଣାମ ବିଷୟରେ ଜାଣିବା ଆବଶ୍ୟକ। ଜଣେ ମହିଳା ନିଜର ଓଜନ କମ୍ କରିବା ପାଇଁ ଲିକ୍ୱିଡ୍ ଡାଏଟ ଆପଣାଇଥିଲେ। ଏଥିଯୋଗୁ ତାଙ୍କ ବ୍ରେନ୍ ସବୁଦିନ ପାଇଁ ଅକାମୀ ହୋଇଯାଇଥିଲା।
ଇସ୍ରାଏଲର ଜଣେ ୪୦ ବର୍ଷୀୟା ମହିଳା ନିଜ ଓଜନ କମ୍ କରିବାକୁ ୩ ସପ୍ତାହ ଧରି କେବଳ ଜୁସ୍ ପିଉଥିଲେ। ଫଳରେ ତାଙ୍କ ବ୍ରେନ୍ ଉପରେ ଖରାପ ପ୍ରଭାବ ପଡିଥିଲା। ମହିଳା ଜଣକ ଡାଏଟ ପୂର୍ବରୁ ଏକ ଥେରାପି ଆରମ୍ଭ କରିଥିଲେ, ଯେଉଁଥିରେ ସେ କେବଳ ପାଣି ଓ ଜୁସ୍ ପିଉଥିଲେ। ଏପରି କରିବା ଦ୍ୱାରା ଓଜନ ୪୦ କିଲୋ କମିଯାଇଥିଲା, ମାତ୍ର ତାଙ୍କ ମସ୍ତିଷ୍କ ଉପରେ ଏହାର କୁପ୍ରଭାବ ପଡ଼ି ତାହାକୁ ଡ୍ୟାମେଜ୍ କରିଦେଇଥିଲା। ପରେ ସେ ଡାକ୍ତରଙ୍କ ପାଖକୁ ଯିବାରେ ତାଙ୍କୁ ହାଇପୋନୋଟ୍ରେନିଆ ହୋଇଥିବା ଜଣାପଡ଼ିଥିଲା। ଏହି ସମସ୍ୟାକୁ ମେଡିକାଲ ସାଇନ୍ସରେ ଭୋଟାର ଇନ୍ଟୋକ୍ସିନେଶନ କୁହାଯାଏ। ରକ୍ତରେ ସୋଡିୟମ୍ର ମାତ୍ରା କମିଗଲେ ଜଣେ ଏହି ସମସ୍ୟାରେ ପଡ଼ିଥାନ୍ତି। ତେବେ ମହିଳା ଜଣଙ୍କ ଅଧିକ ଜୁସ୍ ଡାଏଟ୍ କରିବା ଫଳରେ ସବୁଦିନ ପାଇଁ ବ୍ରେନ୍ ଡ୍ୟାମେଜ୍ ହୋଇଥିବା ଡାକ୍ତର ପ୍ରକାଶ କରିଥିଲେ।
