ବ୍ରହ୍ମପୁର ଅଫିସ,୧୯ା୪: ମେଡିକାଲର ସଂଘରୋଧ କକ୍ଷରେ ୩ ଜଣ କରୋନା ସନ୍ଦିଗ୍ଧ ଚିକିତ୍ସିତ ହେଉଛନ୍ତି। ସେମାନଙ୍କ ସ୍ବାବ୍ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଛି । ପ୍ରାୟ ୪ ଦିନ ହେଲା ଏହାର ରିପୋର୍ଟ ମିଳିପାରିନାହିଁ । ରିପୋର୍ଟ ମିଳିବାରେ ବିଳମ୍ବ ଘଟୁଥିବାରୁ ରୋଗୀ ସମ୍ପର୍କୀୟଙ୍କ ମଧ୍ୟରେ ସନ୍ଦେହ ବଢୁଛି। ଶନିବାର ଏମ୍କେସିଜିରେ ଭର୍ତ୍ତି ହୋଇଥିବା ବ୍ୟକ୍ତିଙ୍କ ଏଯାବତ୍ ପରିଚୟ ସ୍ପଷ୍ଟ ହୋଇପାରି ନ ଥିବା ମେଡିକାଲ ଅଧୀକ୍ଷକ ପ୍ରଫେସର ଡା. ସନ୍ତୋଷ କୁମାର ମିଶ୍ର କହିଛନ୍ତି । ଏପରିକି ସେ କେଉଁଠୁ ଓ କିପରି ରେଳଷ୍ଟେଶନ ନିକଟକୁ ଆସିଲେ ସେ ନେଇ ମଧ୍ୟ ସଠିକ୍ ସୂଚନା ମିଳୁ ନ ଥିବା ସେ କହିଛନ୍ତି। ପୂର୍ବରୁ ଏମ୍କେସିଜିର କରୋନା ଓ୍ବାର୍ଡରେ ପର୍ଯ୍ୟାୟ କ୍ରମେ ଭର୍ତ୍ତି ହୋଇଥିବା ପ୍ରାୟ ୪୮ ଜଣ ସନ୍ଦିଗ୍ଧଙ୍କ ରିପୋର୍ଟ ନେଗେଟିଭ୍ ଆସିବା ପରେ ସେମାନଙ୍କୁ ମେଡିକାଲରୁ ଡିସ୍ଚାର୍ଜ କରାଯାଇଛି। ବର୍ତ୍ତମାନ ମେଡିକାଲରେ ଥିବା ୩ ସନ୍ଦିଗ୍ଧଙ୍କ ସ୍ବାବ୍ ରିପୋର୍ଟ ରବିବାର ରାତି ସୁଦ୍ଧା ଆସିଯିବ ବୋଲି ସେ କହିଛନ୍ତି।
