ବନ୍ତ, ୯।୪(ଡି.ଏନ.ଏ.)-କରୋନା ଲକ୍ଡାଉନ ପାଇଁ ସରକାରଙ୍କ ପକ୍ଷରୁ ସମସ୍ତ କଟକଣାକୁ କଡାକଡି କରାଯାଇଛି । ସାମଗ୍ରୀ କିଣିବାଠାରୁ ଆରମ୍ଭ କରି ଟଙ୍କା ଉଠାଣ ପର୍ଯ୍ୟନ୍ତ ସବୁଠି ଲୋକେ ସାମାଜିକ ଦୂରତା ପାଳନ କରୁଛନ୍ତି। ଭଦ୍ରକ ଜିଲା ବନ୍ତ ସଦର ମହକୁମାରେ ୬ଟି ଏଟିଏମ୍ କାଉଣ୍ଟର ରହିଛି । ଏହା ଉପରେ ଆଖପାଖ ଅଞ୍ଚଳ ସମେତ ଭଦ୍ରକ-ଆନନ୍ଦପୁର ରାଜ୍ୟ ରାଜପଥରେ ଯାତାୟାତ କରୁଥିବା ଲୋକମାନେ ନିର୍ଭର କରି ଚଳନ୍ତି । ନିୟମ କଡାକଡି ହେବା ପରେ ଲୋକମାନେ ସଚେତନତାମୂଳକ ସାମାଜିକ ଦୂରତା ରକ୍ଷା କରି ଟଙ୍କା ଉଠାଉଥିବା ଦେଖାଯାଇଛି । ଗୁରବାର ଥାନା ଛକସ୍ଥିତ ଆକ୍ସିସ୍ ବ୍ୟାଙ୍କ ଏଟିଏମ୍ କାଉଣ୍ଟରଠାରେ ଲୋକମାନେ ସାମାଜିକ ଦୂରତା ରକ୍ଷା କରି ଜଣକ ପରେ ଜଣେ କାଉଣ୍ଟର ଭିତରକୁ ଯାଇ ଟଙ୍କା ଉଠାଉଥିବା ଦେଖିବାକୁ ମିଳିଥିଲା ।
