ପରିବେଶ ସୁରକ୍ଷା ଲାଗି ଭିନ୍ନ ଭିନ୍ନ ପନ୍ଥା ଆପଣାଉଥିବା ବ୍ୟକ୍ତିମାନଙ୍କ ମଧ୍ୟରେ ଚନ୍ଦ୍ର କିଶୋର ପଟେଲ ହେଉଛନ୍ତି ଅନ୍ୟତମ। ସେ ନାସିକ୍ର ଇନ୍ଦିରାନଗରରେ ରହନ୍ତି। ସେ ହିଁ ରିୟଲ ଲାଇଫ ହିରୋ। ପ୍ରଦୂଷଣ ରୋକିବା ପାଇଁ ସେ ଗୋଦାବରୀ ନଦୀକୁ ଜଗୁଛନ୍ତି। ପଞ୍ଚ ବର୍ଷ ହେବ ଚନ୍ଦ୍ର ଏହି କାର୍ଯ୍ୟ କରୁଛନ୍ତି। ନଦୀ କଡ଼ରେ ଠିଆହୋଇ ଅଳିଆ ଆବର୍ଜନା ପକାଇବାକୁ ଲୋକଙ୍କୁ ବାରଣ କରୁଛନ୍ତି। ରାତିପାହିବା କ୍ଷଣି ଘରୁ ବାହାରି ଯାଉଛନ୍ତି ନଦୀ କୂଳକୁ ଓ ସେଠାରୁ ଫେରୁଛନ୍ତି ପୂର୍ବାହ୍ନ ୧୧ଟାରେ। ଠିଆ ହୋଇଥିତ୍ବା ସମୟରେ ଯଦି କେହି ଆବର୍ଜନା ନଦୀରେ ପକାଇବାକୁ ଆସୁଛନ୍ତି ତେବେ ଚନ୍ଦ୍ର ହୁଇସିଲ ମାରି ତାଙ୍କୁ ସତର୍କ କରି ଦେଉଛନ୍ତି। ଯିଏ ତାଙ୍କୁ ବିରୋଧ କରୁଛନ୍ତି ତାଙ୍କୁ ସେ ଉପଯୁକ୍ତ ଶିକ୍ଷା ଦେଉଛନ୍ତି। ନଦୀରୁ ଗୋଟିଏ ବୋତଲରେ ପାଣି ଆଣି ତାଙ୍କୁ ଢୋକେ ପିଇବାକୁ କହିବା ସହ ପ୍ରଦୂଷଣ ସମ୍ପର୍କରେ ସଚେତନ କରୁଛନ୍ତି। ଫଳରେ ଲୋକେ ବାଧ୍ୟ ହୋଇ ଅଳିଆ ନେଇ ଫେରିଯାଉଛନ୍ତି କିମ୍ବା ଚନ୍ଦ୍ରଙ୍କୁ ଦେଇଯାଉଛନ୍ତି। ଚନ୍ଦ୍ର ସେମାନଙ୍କଠାରୁ ଅଳିଆ ଆବର୍ଜନା ସଂଗ୍ରହ କରି ଏକ ବ୍ୟାଗରେ ରଖି ତା’ ପାଇଁ ଉଦ୍ଦିଷ୍ଟ ଜାଗାରେ ପକାଉଛନ୍ତି ।
