କୁଳିଅଣା,୧୯ା୬(ଆଦିକନ୍ଦ ସାହୁ): ୨ଲକ୍ଷ ଟଙ୍କା ଋଣ କରାଇ ଦେବାକୁ କହି ମୟୂରଭଞ୍ଜ ଜିଲା କୁଳିଅଣା ଥାନା ଅଧୀନ ପାରୁଳିଆ ପଞ୍ଚାୟତ ବଡ଼ହଳଦିଆକନ୍ଦ ଗ୍ରାମର ଚନ୍ଦନ କୁମାର ପାତ୍ରଙ୍କଠାରୁ ସାଇବର ଠକ ୬୨ ହଜାର ଟଙ୍କା ଠକି ନେଇଥିବା ରବିବାର ଥାନାରେ ଅଭିଯୋଗ ହୋଇଛି। ଏନେଇ ପୋଲିସ ଏକ ମାମଲା(ନଂ.୮୪/୨୩) ରୁଜୁ କରି ତଦନ୍ତ ଜାରି ରଖିଛି।
ସୂଚନା ଅନୁଯାୟୀ, ଚନ୍ଦନଙ୍କ ମୋବାଇଲକୁ ଗତ ମେ ୨୩ ତାରିଖରେ ଏକ ନମ୍ବରରୁ କଲ ଆସିଥିଲା। ୨ ଲକ୍ଷ ଟଙ୍କା ଲୋନ କରାଇ ଦିଆଯିବ ବୋଲି କଲ କରିଥିବା ବ୍ୟକ୍ତି ଜଣକ କହିଥିଲେ। ଚନ୍ଦନ ତାଙ୍କ କଥାରେ ରାଜି ହୋଇ ଆବଶ୍ୟକ କାଗଜପତ୍ର ପଠାଇଥିଲେ। ପରେ ଉକ୍ତ ବ୍ୟକ୍ତି ଜଣକ ବୀମା, ଏନ୍ଓସି, ଇଏମ୍ଆଇ ଆଡଭାନ୍ସ ଆଦି ବାବଦରେ ବିଭିନ୍ନ ପର୍ଯ୍ୟାୟରେ ତାଙ୍କଠାରୁ ମୋଟ ୬୨ ହଜାର ୧୪ ଟଙ୍କା ଠକି ନେବା ପରେ ମୋବାଇଲ ସୁଇଚଅଫ୍ କରିଦେଇଥିବା ଅଭିଯୋଗରେ ଦର୍ଶାଯାଇଛି।
