ପୂର୍ବ ଏସୀୟ ଦେଶ ଉତ୍ତର କୋରିଆ, ଯାହାକି ଅଫିସିଆଲି ଡେମୋକ୍ରାଟିକ୍ ପିପୁଲ୍ସ ରିପବ୍ଲିକ୍ ଅଫ୍ କୋରିଆ (ଡିପିଆର୍କେ) ଭାବେ ଜଣାଶୁଣା। ଏହି ଦେଶରେ କିଛି ଏଭଳି ଅଜବ ଘଟଣା ଦେଖିବାକୁ ମିଳେ, ଯାହା ସମ୍ପର୍କରେ ଜାଣିବା ଲାଗି ସଭିଙ୍କ ମନରେ ଉତ୍ସୁକତା ଦେଖାଦେଇଥାଏ। ଜାଣିବା ଏହି ଦେଶ ସମ୍ପର୍କରେ ଏଭଳି କିଛି ତଥ୍ୟ…
ଦେଶ ସେଠାରେ ଥିବା କିମ୍ ପରିବାର ଦ୍ୱାରା ପରିଚାଳତ ହୋଇଥାଏ। ବର୍ତ୍ତମାନ ଦେଶର ଶାସନ ଦାୟିତ୍ୱ ତୁଲାଉଛନ୍ତି କିମ୍ ଜଙ୍ଗ-ଉନ୍।
ଏହା ପୃଥିବୀର ଏକ ଗରିବ ରାଷ୍ଟ୍ର, ଯେଉଁଠାରେ ଅନେକ ଲୋକ ପୁଷ୍ଟିହୀନତାର ଶିକାର ହୋଇଥା’ନ୍ତି।
ଏହି ଦେଶରେ ଇଣ୍ଟରନେଟ୍ ବ୍ୟବହାର କରିବା ମନା। ଅଳ୍ପ କେତେଜଣଙ୍କୁ କେତେକ ସରକାରୀ ଓ୍ବେବ୍ସାଇଟ୍ ବ୍ୟବହାର କରିବା ପାଇଁ ଅନୁମତି ରହିଛି।
ଏହି ଦେଶ ପୃଥିବୀର ସବୁଠୁ ଭିନ୍ନ ରହୁଥିବା ଦେଶ। କେବଳ କେତେକ ବ୍ୟବସାୟିକ ସମ୍ପର୍କ ବ୍ୟତୀତ ଏଠାକାର ବାସିନ୍ଦାଙ୍କୁ ଅନ୍ୟ ଦେଶକୁ ଯିବା ସମ୍ପୂର୍ଣ୍ଣ ମନା। ବାହାରକୁ ଯିବାକୁ ହେଲେ ସରକାରଙ୍କ ଅନୁମତି ନିହାତି ଆବଶ୍ୟକ।
ଏହି ଦେଶରେ ଖୁବ୍ ଶକ୍ତ ମିଲିଟାରୀ ବ୍ୟବସ୍ଥା ରହିଛି। ଏଠାରେ ପୃଥିବୀର ସର୍ବାଧିକ ସଂଖ୍ୟକ ସ୍ଥାୟୀ ସେନାବାହିନୀ ରହିଛନ୍ତି।
ଏହି ଦେଶର ରାଜଧାନୀ ପ୍ୟୋଙ୍ଗ୍ୟାଙ୍ଗ୍ରେ ରହିଛି ସବୁଠୁ ଉଚ୍ଚତମ କୋଠା ୧୦୭୯ ଫୁଟ୍ ଉଚ୍ଚତା ବିଶଷ୍ଟ ର୍ୟୁଗ୍ୟୋଙ୍ଗ୍ ହୋଟେଲ୍। ୧୯୮୭ ମସିହାରେ ଏହାର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲେ ହେଁ ଦେଶର ଦୁର୍ବଳ ଆର୍ଥତ୍କ ସ୍ଥିତି ପାଇଁ ଏହା ଏବେବି ଅସମ୍ପୂର୍ଣ୍ଣ ହୋଇ ଭୂତକୋଠି ଭଳି ପଡ଼ିରହିଛି। ୧୦୫ ମହଲା ବିଶିଷ୍ଟ ଏହି ବିଲ୍ଡିଂକୁ ସବୁଠୁ ଖାଲି ଉଚ୍ଚତମ ବିଲ୍ଡିଂ ଭାବେ ଗିନିଜ୍ ଓ୍ବାଲର୍ଡ ରେକଡର୍ସରେ ସ୍ଥାନିତ କରାଯାଇଛି।
ଏହି ଦେଶର ମହିଳାଙ୍କୁ ମାତ୍ର ୧୫ ପ୍ରକାର ଷ୍ଟାଇଲ୍ରେ ବାଳ କାଟିବାର ଅନୁମତି ରହିଛି। ଏହା ବ୍ୟତୀତ କେହି ଅନ୍ୟ ଷ୍ଟାଇଲ୍ରେ କାଟିଲେ ଆଇନ ଉଲ୍ଲଂଘନ କରିବା ଅପରାଧରେ ଗିରଫ କରାଯାଇଥାଏ। ସେହିପରି ଯୁବତୀମାନଙ୍କୁ କେବଳ ଛୋଟ ହେୟାରଷ୍ଟାଇଲ୍ ରଖିବାର ଅନୁମତି ରହିଛି।
ଏହି ଦେଶରେ ବ୍ଲୁ ଜିନ୍ସ ପିନ୍ଧିବା ଅପରାଧ।
ଏଠାରେ ମାନବାଧିକାର ଉଲ୍ଲଂଘନ ପାଇଁ ତିନି ପିଢ଼ିଙ୍କୁ ଦଣ୍ଡିତ କରିବା ସବୁଠୁ କଠୋର ଦଣ୍ଡ। ବିଭିନ୍ନ ଦଣ୍ଡ ମଧ୍ୟରୁ ଏହି ଦଣ୍ଡରେ ଯଦି କେହି ଦୋଷୀ ସାବ୍ୟସ୍ତ ହୋଇ ଜେଲ୍ ଯାଆନ୍ତି, ତେବେ ତାଙ୍କ ତିନି ପିଢ଼ିଙ୍କୁ ମଧ୍ୟ ଜେଲରେ ଜୀବନ କାଟିବାକୁ ପଡ଼ିଥାଏ।
