ଲାସ୍ ଭେଗାସ,୨୨।୧୨: ଆମେରିକାର ଲାସ୍ ଭେଗାସରେ ଥିବା ଏକ ଆପାର୍ଟମେଣ୍ଟରେ ଶନିବାର ନିଆଁ ଲାଗିଯିବା ଫଳରେ ୬ ଜଣଙ୍କ ମୃତ୍ୟୁ ହେବା ସହ ୧୩ ଆହତ ହୋଇଥିବା ସୂଚନା ମିଳିଛି। ନିଆଁ ଲିଭାଳି ଦଳ ଆଲପିନ ମୋଟେଲ ଆପାର୍ଟମେଣ୍ଟ ନିକଟରେ ପହଞ୍ଚିଲା ବେଳକୁ ଲୋକେ ଝରକା ବାଟେ ପ୍ରାଣ ବିକଳରେ ବାହାରକୁ ଡେଉଁଥିବା ଦେଖିଥିଲେ। ନିଆଁ ଓ କଳା ଧୂଆଁରେ ଆପାର୍ଟମେଣ୍ଟର ଅଧିକାଂଶ ଭାଗ ଆଚ୍ଛାଦିତ ହେବାଦ୍ୱାରା ଲୋକେ ଉକ୍ତ ୪୨ ମହଲା ବିଶିଷ୍ଟ ଆପାର୍ଟମେଣ୍ଟରୁ ବାହାରିବାକୁ ଚେଷ୍ଟା କରିଥିଲେ। ଏପର୍ଯ୍ୟନ୍ତ ଲାସ୍ ଭେଗାସରେ ଯେତେ ସ୍ଥାନରେ ନିଆଁ ଲାଗିଛି ଏହା ଇତିହାସର ସବୁଠାରୁ ଭୟଙ୍କର ବୋଲି କହିଛନ୍ତି ନିଆଁା ଲିଭାଳି ଦଳ। ଏଥିରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ବେଳେ ଘଟଣାର ତଦନ୍ତ ଆରମ୍ଭ କରାଯାଇଛି।
