ଆଗରୁ ବୟସ ବଢିଲେ ଆଣ୍ଠୁଗଣ୍ଠି ସମସ୍ୟା ଦେଖାଯାଉଥିଲା। ହେଲେ ଏବେ ଏହା ଯୁବପିଢିଙ୍କ ପାଖରେ ମଧ୍ୟ ଦେଖିବାକୁ ମିଳିଲାଣି। କେତେ ଗୁଡିଏ ଘରୋଇ ଉପଚାର ମାଧ୍ୟମରେ ସହଜରେ ଏହି ଯନ୍ତ୍ରଣାକୁ ଲାଘବ କରାଯାଇ ପାରିବ ବୋଲି ଆୟୁର୍ବେଦ ବିଶେଷଜ୍ଞମାନେ କହିଛନ୍ତି।
ବ୍ରୋକୋଲି: ବ୍ରିଟେନର ୟୁନିଭର୍ସିଟି ଅଫ୍ ଏଷ୍ଟ ଏଞ୍ଜେଲିଆର ଗବେଷକଙ୍କ ମତରେ ବ୍ରୋକୋଲି ଖାଇବା ଦ୍ୱାରା ଆଣ୍ଠୁଗଣ୍ଠି ସମସ୍ୟା ଦୂର ହାଇଥାଏ। ଏଥିରେ ଥିବା କ୍ୟାଲସିୟମ, କାବ୍ରୋହାଇଡ୍ରେଟ୍ସ, ପ୍ରୋଟିନ୍, ଆଇରନ୍, ଭିଟାମିନ୍ ଏ ଓ ସି, କ୍ରୋମିୟମ ଶରୀରକୁ ସୁସ୍ଥ ରଖିବାରେ ସହାୟକ ହୋଇଥାଏ। ଫଳରେ ବହୁଦିନ ଧରି ଆଣ୍ଠୁଗଣ୍ଠି ସମସ୍ୟା ଦୂର ହୋଇଥାଏ।
ରସୁଣ: ଆଣ୍ଠୁଗଣ୍ଠି ସମସ୍ୟା ଭୋଗୁଥିବା ବ୍ୟକ୍ତି ନିୟମିତ ଭାବେ ଖାଦ୍ୟରେ ରସୁଣ ସାମିଲ କରିବା ଭଲ। ଏଥିରେ ଥିବା ଆଣ୍ଟି ବ୍ୟାକ୍ଟେରିଆଲ୍ ତତ୍ତ୍ୱ, ଆଣ୍ଟି ଫଙ୍ଗାଲ, ଆଣ୍ଟି ବାୟୋଟିକ୍ ଓ ଆଣ୍ଟି ଇନଫ୍ଲାମେଣ୍ଟୋରି ଗୁଣ ଆଣ୍ଠୁଗଣ୍ଠି ସମସ୍ୟାରୁ ମୁକ୍ତି ଦେଇଥାଏ।
ବଥୁଆ: ବଥୁଆ ଶାଗକୁ ଖାଦ୍ୟରେ ସାମିଲ କରିବା ସହ ନିୟମିତ ଏହାର ରସ ପିଇଲେ ଆଣ୍ଠୁଗଣ୍ଠି ସମସ୍ୟା ଦୂର ହୋଇଥାଏ। ତେବେ ନିୟମିତ ଭାବେ ଏହାକୁ ୩ ମାସ ପିଇଲେ ଭଲ ଫଳ ମିଳିଥାଏ। ମୁଖ୍ୟକଥା ହେଲା ଏହି ରସରେ କିଛି ମିଶାଇ ପିଇବା ଅନୁଚିତ।
ହଳଦୀ: ହଳଦୀରେ ରହିଛି କରକ୍ୟୁମିନ ନାମକ ଏକ ତତ୍ତ୍ୱ। ଯାହା ରୋଗ ସୃଷ୍ଟିକାରୀ ଜୀବାଣୁ ବା ବ୍ୟାକ୍ଟେରିଆଙ୍କୁ ମାରି ଦେଇଥାଏ। ତେଣୁ ନିୟମିତ ଏହାକୁ ଖାଇଲେ ଆଣ୍ଠୁଗଣ୍ଠି ସମସ୍ୟାରୁ ମୁକ୍ତି ମିଳିଥାଏ।
ଓମେଗା ୩ ଫ୍ୟାଟି ଏସିଡ୍: ଏହା ସାଧାରଣତଃ ମାଛରୁ ମିଳିଥାଏ। କେତେଗୁଡିଏ ନିର୍ଦ୍ଦିଷ୍ଟମାଛ ସହ ମାଛ ତେଲ ବ୍ୟବହାର କଲେ ଶରୀରକୁ ଓମେଗା ୩ ଫ୍ୟାଟି ଏସିଡ୍ ମିଳିଥାଏ। ଏହା ଆଣ୍ଠୁଗଣ୍ଠି ସମସ୍ୟାପାଇଁ ଭଲ କାମ ଦେଇଥାଏ।
