ଭୁବନେଶ୍ୱର,୧୩।୯:ଗତ ୫ବର୍ଷ ମଧ୍ୟରେ ଜିନ୍ଦେଗୀ ଫାଉଣ୍ଡେଶନର ପ୍ରାୟ ୯୦ (୮୮) ଜଣ କୃତୀ ଛାତ୍ର ଡାକ୍ତର ହେବାର ଯୋଗ୍ୟତା ହାସଲ କରିଛନ୍ତି। ଏପରିକି ଭିନ୍ନ ଏକ ଚିନ୍ତାଧାରାରେ ପ୍ରତିଷ୍ଠା ହୋଇଥିବା ଜିନ୍ଦେଗୀ ଫାଉଣ୍ଡେଶନ ସଫଳତା ପଥରେ ଆଗେଇ ଚାଲିଛି। ନିକଟରେ ପ୍ରକାଶିତ ଏନ୍ଇଇଟି(ୟୁଜି)୨୦୨୨ର ଫଳାଫଳ ଅନୁଯାୟୀ ଜିନ୍ଦେଗୀ ଫାଉଣ୍ଡେଶନର ୨୧ଜଣ ଛାତ୍ରଙ୍କ ମଧ୍ୟରୁ ୨୦ଜଣ ଛାତ୍ର ନିଟ୍-୨୨ରେ କୃତକାର୍ଯ୍ୟ ହୋଇ ଡାକ୍ତରୀ ଶିକ୍ଷା ପାଇଁ ନାମ ଲେଖାଇବାକୁ ଯୋଗ୍ୟ ବିବେଚିତ ହୋଇଛନ୍ତି। ଏହି ପରିପ୍ରେକ୍ଷୀରେ ସ୍ଥାନୀୟ ରୋଟାରି ଭବନଠାରେ ଆୟୋଜିତ ଏକ ସ୍ବତନ୍ତ୍ର ସମ୍ବର୍ନ୍ଧନା କାର୍ଯ୍ୟକ୍ରମରେ ଯୋଗଦେଇ ଫାଉଣ୍ଡେଶନର ମୁଖ୍ୟ ଏ.ବି.ସିଂ ସଫଳ ୨୦ ନିଟ୍ ବିଦ୍ୟାର୍ଥୀଙ୍କୁ ସମ୍ବର୍ଦ୍ଧିତ କରିଥିଲେ। ଉକ୍ତ କୃତୀ ବିଦ୍ୟାର୍ଥୀଙ୍କ ମଧ୍ୟରେ ଯାଜପୁରର ଛାତ୍ରୀ ଅମୃତା ସାହୁ ନିଟ୍-୨୨ରେ ୬୩୬ ମାର୍କ ରଖିଛନ୍ତି। ସେହିଭଳି କେନ୍ଦ୍ରାପଡ଼ାର ଜଗନ୍ନାଥ ଗିରି ମଧ୍ୟ ନିଟ୍-୨୨ରେ ୬୩୫ ମାର୍କ ରଖିଥିବା ବେଳେ ଢେଙ୍କାନାଳର ମଳୟ କୁମାର ପ୍ରଧାନ ମଧ୍ୟ ୬୩୪ ମାର୍କ ରଖି କୃତକାର୍ଯ୍ୟ ହୋଇଛନ୍ତି। ଏହିପରି ୨୦ ସଫଳ ଛାତ୍ର ଭିନ୍ନ ଭିନ୍ନ ଅବସ୍ଥାରେ ସମୟ ଅତିବାହିତ କରୁଥିବା ଜିନ୍ଦେଗୀ ଫାଉଣ୍ଡେଶନର ପ୍ରତିଷ୍ଠାତା ତଥା ବିଶିଷ୍ଟ ଶିକ୍ଷାବିତ୍ ଅଜୟ ବାହାଦୁର ସିଂ କହିଛନ୍ତ।
