ଭୁବନେଶ୍ୱର,୨୩।୧୨:ରାଜ୍ୟର ପ୍ରମୁଖ ଘରୋଇ ଓଡ଼ିଆ ଚ୍ୟାନେଲ ଜୀ-ସାର୍ଥକ ପକ୍ଷରୁ ନୂଆବର୍ଷ ଅବସରରେ ୨୪ଘଣ୍ଟିଆ ନନ୍ଷ୍ଟପ୍ ମନୋରଞ୍ଜନ କାର୍ଯ୍ୟକ୍ରମ ପ୍ରସାରଣ କରାଯିବ। ଏପରିକି ଦର୍ଶକଙ୍କ ପାଇଁ ନୂଆ ବର୍ଷରେ ଭିନ୍ନ ଧରଣର ମନୋରଞ୍ଜନ ଭେଟି ଦିଆଯିବ ବୋଲି ଜଣାପଡ଼ିଛି। ବିଶେଷକରି ୨୦୨୩ର ପ୍ରଥମ ଦିନରେ ଜୀ ସାର୍ଥକ ବିଭିନ୍ନ କାର୍ଯ୍ୟକ୍ରମର ପ୍ରସାରଣ ସହ ସମ୍ପୂର୍ଣ୍ଣ ୨୪ ଘଣ୍ଟା ପାଇଁ ସ୍ବତନ୍ତ୍ର ଦର୍ଶକଙ୍କୁ ବାନ୍ଧି ରଖିବ ବୋଲି କୁହାଯାଉଛି। ସେହିଭଳି ୩୧ ଡିସେମ୍ବର ରାତି ୧୦.୩୦ ରୁ ୧ ଜାନୁୟରୀ ୧୦ଟା ୩୦ ପର୍ଯ୍ୟନ୍ତ ପୂରା ୨୪ ଘଣ୍ଟା ଦର୍ଶକଙ୍କୁ ମିଳିବ ମନୋରଞ୍ଜନର ସମ୍ଭାର। ନୂଆବର୍ଷକୁ ସ୍ବାଗତ କରିବା ପାଇଁ ଡିସେମ୍ବର ୩୧ ରାତି ୧୦ଟା ୩୦ରୁ ୨ଟା ପର୍ଯ୍ୟନ୍ତ ଜୀ ସାର୍ଥକର ଏକ୍ସକ୍ଲୁସିଭ ପ୍ରୋଗ୍ରାମ ହାପି ନ୍ୟୁ ଇୟର ସହ ରାତି ୨ଟାରୁ ଭୋର୍ ୪ଟା ୩୦ପର୍ଯ୍ୟନ୍ତ ଫ୍ଲାସ୍ ବ୍ୟାକ୍ ୨୦୨୨ ଏବଂ ଭୋର୍ ୪ଟା ୩୦ରୁ ୫ଟା ପର୍ଯ୍ୟନ୍ତ ବିଷ୍ଣୁ ସହସ୍ର ନାମ ପ୍ରସାରଣ ହେବ। ସେହିଭଳି ୧ ତାରିଖ ସକାଳ ୫ଟାରୁ ଦିନ ୮ଟା ସୁପରହିଟ୍ ଚଳଚ୍ଚିତ୍ର ‘ଭୋଳା ଶଙ୍କର ଥିଲେ ଡର କାହାକୁ’, ସକାଳ ୮ଟାରୁ ଦିନ ୧୧ଟା ପର୍ଯ୍ୟନ୍ତ ଚଳଚ୍ଚିତ୍ର ‘ପାରି କରିବେ ଭୋଳାଶଙ୍କର’, ଦିନ ୧୧ଟାରୁ ଦିନ ୨ଟା ପର୍ଯ୍ୟନ୍ତ ଚଳଚ୍ଚିତ୍ର ’ତୁ ମୋର ସାଥିରେ’ ଏବଂ ଦିନ ୨ଟାରୁ ୫ ଟା ପର୍ଯ୍ୟନ୍ତ ଭିନ୍ନ ସ୍ବାଦର ଚଳଚ୍ଚିତ୍ର ଟନିକ ପ୍ରସାରିତ ହେବ। ସେହିପରି ସା ୫ଟା ରୁ ୬ ଟା ପର୍ଯ୍ୟନ୍ତ ଲୋକପ୍ରିୟ ରିଆଲିଟି ଶୋ ଦିଦି ନମ୍ବର ୱାନ୍’ର ନୂଆ ବର୍ଷ ସ୍ବତନ୍ତ୍ର ସହ ସା ୬ଟାରୁ ରାତି ୧୦ଟା ପର୍ଯ୍ୟନ୍ତ ସ୍ବର ଓ ସଙ୍ଗୀତର ଧମାକା ‘ସା ରେ ଗା ମା ପା’ର ନନ୍ଷ୍ଟପ୍ ମନୋରଞ୍ଜନ ସହ ଗ୍ରାଣ୍ଡ ଫିନାଲେ ଓ ରାତି ୧୦ଟା ରୁ ୧୦ ଟା ୩୦ ପର୍ଯ୍ୟନ୍ତ ସା ରେ ଗା ମା ପା ଏକ୍ସଟ୍ରାସଟ୍ ଭଳି ମନୋରଞ୍ଜନ ଭିତ୍ତିକ କାର୍ଯ୍ୟକ୍ରମ ସହ ଯୋଡ଼ି ହୋଇ ରହିବାକୁ ଜୀ ସାର୍ଥକ ପକ୍ଷରୁ କୁହାଯାଇଛି।
