ନୂଆଦିଲ୍ଲୀ,୧୫।୧୧:ଦେଶର ପ୍ରମୁଖ ଘରୋଇ ସଂସ୍ଥା ତଥା ମହୀଶୂର ଦୀପ ପରଫ୍ୟୁମେରି ହାଉସ(ଏମ୍ଡିପିଏଚ୍)ର ପ୍ରମୁଖ ବ୍ରାଣ୍ଡ ଜେଡ୍ ବ୍ଲାକ୍ର ନୂତନ ଅଭିଯାନ ସମ୍ପର୍କରେ ଘୋଷଣା କରାଯାଇଛି। ଏପରିକି ନିକଟରେ ଆରମ୍ଭ ହୋଇଥିବା ଭାରତ-ଦକ୍ଷିଣ ଆଫ୍ରିକା ଟି୨୦ ସିରିଜରେ ଜେଡ୍ ବ୍ଲାକ୍ ଗୋଲ୍ଡ ପାର୍ଟନର ଭାବେ ସାମିଲ ହୋଇଛି। ଅପରପକ୍ଷରେ ଦେଶର ୩ୟ ସର୍ବବୃହତ୍ ଧୂପକାଠି ନିର୍ମାତା ତଥା ରପ୍ତାନିକାରୀ ଏବଂ ଖୁଚୁରା ବିକ୍ରେତା ଭାବେ ବେଶ୍ ପରିଚିତ ଜେଡ୍ ବ୍ଲାକ୍ ବହୁ କୋଟି କ୍ରୀଡ଼ାପ୍ରେମୀ ଓ ଦର୍ଶକଙ୍କ ନିକଟତର ହେବା ସହ ବିଶ୍ୱ ବଜାରରେ ମଧ୍ୟ ବ୍ରାଣ୍ଡ୍ର ପ୍ରଚାରପ୍ରସାର ସାଙ୍ଗକୁ ଜେଡ୍ବ୍ଲାକ୍ ଗୁଣବତ୍ତା ଓ ଆଭିମୁଖ୍ୟ ସମ୍ପର୍କରେ ସାରା ବିଶ୍ୱବାସୀଙ୍କୁ ଅବଗତ କରାଇପାରିବ। ସେହିଭଳି ଜେଡ୍ବ୍ଲାକ୍ର ବ୍ରାଣ୍ଡ ଆମ୍ବାସାଡର ତଥା ଲୋକପ୍ରିୟ ଭାରତୀୟ କ୍ରୀଡ଼ାବିତ ମହେନ୍ଦ୍ର ସିଂ ଧୋନୀ ଦୀର୍ଘ ବର୍ଷ ହେବ ଜେଡ୍ ବ୍ଲାକ୍ ସହ ସାମିଲ ରହିଛନ୍ତି। ଏପରିକି ବ୍ରାଣ୍ଡ୍ କ୍ରୀଡ଼ା କ୍ଷେତ୍ରର ପ୍ରଚାର ପ୍ରସାର ପାଇଁ ପୂର୍ବରୁ ଉଭୟ ଘରୋଇ ଓ ଅନ୍ତର୍ଜାତୀୟ କ୍ରିକେଟ ମ୍ୟାଚ୍ରେ ମଧ୍ୟ ସାମିଲ ହୋଇଛି। ଏ ସମ୍ପର୍କରେ ଜେଡ୍ ବ୍ଲାକ୍ର ଏମ୍ଡି ଅଙ୍କିତ ଅଗ୍ରଓ୍ବାଲ କହିଥିଲେ, ଆମେ ଆମର ନୂତନ ଅଭିଯାନ ଓ ଚଳିତ ଭାରତ-ଦକ୍ଷିଣ ଆଫ୍ରିକା ଟି୨୦ ସିରିଜରେ ଗୋଲ୍ଡ ପାର୍ଟନର ଭାବେ ଘୋଷଣାକରି ବେଶ୍ ଉତ୍ସାହିତ ଅଛୁ। ଏପରିକି ଉଭୟ ଦେଶର କ୍ରୀଡ଼ାପ୍ରେମୀ ଓ ବହୁ କୋଟି ଦର୍ଶକଙ୍କ ନିକଟତର ହେବା ସହ ବ୍ରାଣ୍ଡ୍ର ଆଭିମୁଖ୍ୟ ଓ ଉତ୍ପାଦର ଗୁଣବତ୍ତା ଏବଂ ବିଶେଷତ୍ୱକୁ ବିଶ୍ୱସ୍ତରରେ ପରିଚୟ କରାଇବାକୁ ପ୍ରୟାସ ଆରମ୍ଭ କରିଛୁ।
