ପଟିଆଲା,୧୬।୫: ଦୁଃଖ ନିବାରଣ ସାହିବ ଗୁରୁଦ୍ୱାରା ପରିସରରେ ଜଣେ ଯୁବତୀ ମଦ ପିଇବା ନେଇ ଜଣେ ଯୁବକ ତାଙ୍କୁ ଗୁଳି କରି ହତ୍ୟା କରିଛନ୍ତି। ପରଓ୍ବିନ୍ଦର କୌର (୩୦) ସରୋବର ନିକଟରେ ବସି ମଦ ପିଉଥିବାର ଗୁରୁଦ୍ୱାରା ସଙ୍ଗତ ଦେଖିଥିଲେ। ସେମାନେ ପୋଲିସ ସହାୟତାକ୍ରମେ ପରଓ୍ବିନ୍ଦରଙ୍କୁ ଗୁରୁଦ୍ୱାରା ମ୍ୟାନେଜରଙ୍କ କାର୍ଯ୍ୟାଳୟକୁ ନେଇଥିଲେ। ସେଠାରେ ନିର୍ମଲଜିତ ସିଂ ସାଇନି ପରଓ୍ବିନ୍ଦରଙ୍କ ଉପରକୁ ୫ଥର ଗୁଳି ଫୁଟାଇଥିଲେ। ପ୍ରପର୍ଟି ଡିଲର ନିର୍ମଲଜିତଙ୍କ ପାଖରେ ଲାଇସେନ୍ସପ୍ରାପ୍ତ ବନ୍ଧୁକ ଥିବା ପୋଲିସ କହିଛି। ତେବେ ପରଓ୍ବିନ୍ଦରଙ୍କ କାର୍ଯ୍ୟରେ ଅସନ୍ତୁଷ୍ଟ ହୋଇ ନିର୍ମଲଜିତ ଏପରି କରିଥିବା କହିଛନ୍ତି। ଘଟଣାରେ ଆହତ ନିର୍ମଲଜିତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ପରଓ୍ବିନ୍ଦର ସବୁବେଳେ ମଦ ପିଉଥିବାବେଳେ ସେ ଡିପ୍ରେସନ୍ରେ ଥିବା ତାଙ୍କ ଘରଲୋକେ କହିଛନ୍ତି। ରବିବାର ଏକାକୀ ବସ୍ରେ ସେଜିରକପୁରରୁ ଗୁରୁଦ୍ୱାରା ଆସିଥିଲେ।
