ଭର୍ଜିନିଆ: ଏହି ଦୁନିଆରେ କେବେ, କିପରି ଏବଂ କେତେବେଳେ କାହାର ଭାଗ୍ୟ ବଦଳିବ ତାହା କେହି ଜାଣନ୍ତି ନାହିଁ। କେତେବେଳେ ଜଣେ ଅକ୍ଳାନ୍ତ ଚେଷ୍ଟା କରିବା ପରେ ମଧ୍ୟ ଜିତିପାରେ ନାହିଁ, ଆଉ କେତେବେଳେ ଗୋଟିଏ ଭୁଲ ଯୋଗୁଁ ଜଣେ ଜ୍ୟାକପଟ ପାଇଯାଏ। ଭର୍ଜିନିଆର ଜଣେ ମହିଳାଙ୍କ ସହିତ ଏମିତି କିଛି ଘଟିଥିଲା, ଯାହା ସେହି ମହିଳାଙ୍କ ଭାଗ୍ୟ ବଦଳାଇ ଦେଇଥିଲା। ଘଟଣାହେଲା ଭର୍ଜିନିଆର ଜଣେ ମହିଳା ଭୁଲ ଲଟେରୀ ଟିକେଟ ପାଇବା ପରେ ଚିନ୍ତାରେ ପଡି ଯାଇଥିଲେ, କିନ୍ତୁ ସେହି ଭୁଲ ଲଟେରୀ ଟିକେଟ ତାଙ୍କୁ ୨ମିଲିୟନ ଡଲାର (ଭାରତୀୟ ଟଙ୍କାରେ ପ୍ରାୟ ୧୭କୋଟି ୩୨ଲକ୍ଷ ଟଙ୍କା)ର ଜ୍ୟାକପଟ ଜତାଇ ଦେଇଥିଲା।
ଫକ୍ସ ବିଜନେସ ରିପୋର୍ଟ ଅନୁଯାୟୀ, କ୍ୟାରୋଲଟନର ବାସିନ୍ଦା କେଲି ଲିଣ୍ଡସେ ଏକ ସ୍ଥାନୀୟ ଷ୍ଟୋରରୁ ଏକ ସ୍ବତନ୍ତ୍ର ସ୍କ୍ରାଚ-ଅଫ ଟିକେଟ ମାଗିଥିଲେ, କିନ୍ତୁ କ୍ୟାସିଅର୍ ଭୁଲବଶତଃ ମହିଳାଙ୍କୁ ମନି ବ୍ଲିଜ ସ୍କ୍ରାଚ-ଅଫ ଟିକେଟ ଦେଇଥିଲେ।
କେଲି ଲିଣ୍ଡସେ ପ୍ରଥମେ ଭୁଲ ଲଟେରୀ ଟିକେଟ ପାଇବା ପରେ ବିରକ୍ତ ହୋଇଥିଲେ। ତଥାପି, ସେ ପରେ ପାର୍କିଂ ଅଞ୍ଚଳରେ ଟିକେଟ ସ୍କ୍ରାଚ କରିବାକୁ ନିଷ୍ପତ୍ତି ନେଇଥିଲେ। ଟିକେଟ ସ୍କ୍ର଼୍ୟାଚ କରିବା ପରେ ଯାହା ଘଟିଥିଲା ତାହା ଶୁଣି କେଲି ଆଶ୍ଚର୍ଯ୍ୟ ହୋଇଗଲେ। କେଲି ୨ ନିୟୁତ ଡଲାରର ଜ୍ୟାକପଟ ପୁରସ୍କାର ଜିତିଥିଲେ, ଯାହା ଭାରତୀୟ ଟଙ୍କାରେ ପ୍ରାୟ ୧୭,୩୨,୮୩,୧୦୦ ଟଙ୍କା।
ଲଟେରୀ ଟିକେଟ କାଟିବା ପରେ କେଲି ଲିଣ୍ଡସେଙ୍କ କ୍ରୋଧ ମୁହୂର୍ତ୍ତକ ମଧ୍ୟରେ ଉଭାନ ହୋଇଗଲା। ଏହି ଘଟଣା ବିଷୟରେ, କେଲି ମଜାରେ କହିଥିଲେ ଯେ ମୁଁ ଏଥିରେ ଖୁସି ନୁହେଁ। ଏହି ଲଟେରୀ ଟିକେଟ ଭୁଲ କେଲି ଲିଣ୍ଡସେଙ୍କ ଜୀବନର ସବୁଠାରୁ ଭାଗ୍ୟବାନ ଭୁଲ ହୋଇଗଲା।
ଲଟେରୀ ଜିତିବା ପରେ, କେଲି ବାର୍ଷିକୀ ଦେୟ ପରିବର୍ତ୍ତେ ତାଙ୍କର ଜିତିଥିବା ଟଙ୍କାକୁ ଏକାଥରକେ ନେବାକୁ ନିଷ୍ପତ୍ତି ନେଇଥିଲେ ଏବଂ ସମସ୍ତ କର ଦେବା ପରେ, କେଲି $1,250,000 ପାଇଥିଲେ।
ଦି ମେଟ୍ରୋ ଅନୁଯାୟୀ, ମନି ବ୍ଲିଜ ଖେଳରେ ଜ୍ୟାକପଟ ଜିତିବାର ସମ୍ଭାବନା ୧୧,୪୨,୪୦୦ ରେ ଗୋଟିଏ। ସୂଚନାଯୋଗ୍ୟ, ଏହି ଖେଳରେ ମୋଟ ଦୁଇଟି ଶ୍ରେଷ୍ଠ ପୁରସ୍କାର ଅଛି, ଯାହାର ଅର୍ଥ ହେଉଛି ଏହି ଖେଳର ଦ୍ୱିତୀୟ ଭାଗ୍ୟବାନ ବିଜେତା ଏପର୍ଯ୍ୟନ୍ତ ପ୍ରକାଶ ପାଇନାହିଁ।
