ମୁମ୍ବାଇ.୧୮।୮: ‘ସ୍ତ୍ରୀ ୨’ ହଲ୍ରେ ରିଲିଜ୍ ହୋଇ ସାରିଛି। ଅଭିନେତ୍ରୀ ଶ୍ରଦ୍ଧା କପୁରଙ୍କ ବହୁ ପ୍ରତୀକ୍ଷିତ ‘ସ୍ତ୍ରୀ ୨’ ଫିଲ୍ମ ଗୁରୁବାର ସ୍ବାଧୀନତା ଦିବସ ଉପଲକ୍ଷେ ରିଲିଜ୍ ହୋଇଛି। ତେବେ ରିଲିଜ୍ ହେବାର ୨ ଦିନ ମଧ୍ୟରେ ‘ସ୍ତ୍ରୀ ୨’ ଫିଲ୍ମ ଅକ୍ଷୟ କୁମାରଙ୍କ ‘ଖେଲ୍ ଖେଲ୍ ମେଁ’ ଓ ଜନ୍ ଆବ୍ରାହମଙ୍କ ‘ବେଦା’ ଫିଲ୍ମକୁ ପଛରେ ପକାଇ ବକ୍ସ ଅଫିସରେ ଅଧିକ ବ୍ୟବସାୟ କରିବାରେ ସଫଳ ହୋଇଛି।
ରିଲିଜ୍ ହେବା ପରେ ଫିଲ୍ମ ଟିକେଟ୍ ଦାମ୍ ଅଧିକ ରହିଛି। ଏଥିପାଇଁ ଅଧିକାଂଶ ଲୋକ ଫିଲ୍ମ ଦେଖିବାକୁ ଯାଇପାରୁ ନାହାନ୍ତି। PVR ଟିକେଟ ମହଙ୍ଗା ହେଉ କି ଅଫିସରୁ ଛୁଟି ନ ମିଳିବାରୁ ଲୋକେ ସ୍ତ୍ରୀ ୨ କୁ ଦେଖିପାରୁ ନାହାନ୍ତି। କିନ୍ତୁ ଆମେ ଆପଣଙ୍କୁ ଏମିତି କିଛି ଟ୍ରିକ୍ ଦେବାକୁ ଚାହୁଁଛୁ ଯେଉଁଥିରେ ଆପଣ ବିନା ଖର୍ଚ୍ଚାନ୍ତରେ ମାତ୍ର ୨୯ ଟଙ୍କାରେ ଫିଲ୍ମଟିକୁ ଦେଖି ପାରିବେ।
ଆପଣ ଏହି ଫିଲ୍ମକୁ OTT ପ୍ଲାଟଫର୍ମରେ ଯେକୌଣସି ସମୟରେ, ଯାତ୍ରା ସମୟରେ, ଅଫିସରେ କିମ୍ବା ଘରେ ଷ୍ଟ୍ରିମ କରି ଦେଖି ପାରିବେ। ଏହି ଫିଲ୍ମ ଖୁବ ଶୀଘ୍ର OTT ରେ ରିଲିଜ ହେବାକୁ ଯାଉଛି। ଏହି ଫିଲ୍ମ ଉଭୟ ନେଟଫ୍ଲିକ୍ସ ଏବଂ ଜିଓ ସିନେମା OTT ପ୍ଲାଟଫର୍ମରେ ମୁକ୍ତିଲାଭ କରିବ । ଏହାଦ୍ୱାରା ଆପଣ ମହଙ୍ଗା PVR ଟିକେଟ ରୁ ମୁକ୍ତି ପାଇ ପାରିବେ।
ଯଦି ଆପଣ 29 ଟଙ୍କାରେ ସ୍ତ୍ରୀ ୨ ଫିଲ୍ମ ଦେଖିବାକୁ ଚାହାଁନ୍ତି, ତେବେ ଆପଣ ଜିଓର ପ୍ରିମିୟମ ସବସ୍କ୍ରିପସନ ନେଇ ଏହାକୁ ଦେଖିପାରିବେ। ଆପଣ ଏହି ଫିଲ୍ମକୁ କିଛି ଦିନ ମଧ୍ୟରେ ଜିଓ ସିନେମାରେ ଦେଖିବାକୁ ପାଇବେ। ଜିଓ ସିନେମାର ସବୁଠାରୁ ଶସ୍ତା ଏବଂ ମାସିକ ପ୍ଲାନ ମାତ୍ର ୨୯ ଟଙ୍କା। ଏହି ପ୍ରିମିୟମ ପ୍ଲାନରେ ବିନା ବିଜ୍ଞାପନରେ ଫିଲ୍ମଟିକୁ ଦେଖିପାରିବେ।
ଯଦି ଆପଣ ଏହାକୁ ଟିଭି କିମ୍ବା ଅନ୍ୟ କୌଣସି ଉପକରଣରେ ଦେଖିବାକୁ ଚାହାଁନ୍ତି, ତେବେ ଆପଣ ଜିଓ ସିନେମାର ଫ୍ୟାମିଲି ପ୍ଲାନ ମଧ୍ୟ ନେଇପାରିବେ। ଏହି ପ୍ଲାନ ମାତ୍ର ୮୯ ଟଙ୍କାରେ ଉପଲବ୍ଧ।
ରିପୋର୍ଟ ଅନୁଯାୟୀ, ଗୁରୁବାର ରିଲିଜ୍ ହେବାର ପ୍ରଥମ ଦିନରେ ‘ସ୍ତ୍ରୀ ୨’ ଫିଲ୍ମ ୬୦.୩ କୋଟି ଟଙ୍କା ବକ୍ସ ଅଫିସରୁ ସଂଗ୍ରହ କରିଥିବା ବେଳେ ଶୁକ୍ରବାର ଦ୍ୱିତୀୟ ଦିନରେ ଏହା ୩୦ କୋଟି ସଂଗ୍ରହ କରିଛି। ଏହିପରି ଭାବେ ପ୍ରଥମ ୨ ଦିନରେ ‘ସ୍ତ୍ରୀ ୨’ ଚଳଚ୍ଚିତ୍ର ସମୁଦାୟ ୯୦.୩ କୋଟି ଟଙ୍କା ସଂଗ୍ରହ କରିଛି। ସେହିପରି ଏହି ଚଳଚ୍ଚିତ୍ର ପ୍ରଥମ ଦିନରେ ବିଶ୍ୱବ୍ୟାପୀ ୭୬.୫ କୋଟି ଟଙ୍କା ସଂଗ୍ରହ କରିଥିବା ବେଳେ ୨ ଦିନ ମଧ୍ୟରେ ଏହି ସଂଖ୍ୟା ୧୦୦ କୋଟି ଟପିଛି। ଦର୍ଶକଙ୍କ ମଧ୍ୟରେ ‘ସ୍ତ୍ରୀ ୨’ ପାଇଁ ରହୁଥିବା କ୍ରେଜ୍କୁ ବିଚାରକୁ ନେଇ ଚଳିତ ୱିକ୍ ଏଣ୍ଡ୍ ଶେଷ ସୁଦ୍ଧା ଫିଲ୍ମର ବକ୍ସ ଅଫିସ ସଂଗ୍ରହ ୨୦୦ କୋଟି ପାର କରିବ ବୋଲି କେତେଜଣ ଫିଲ୍ମ ସମୀକ୍ଷକ ଆକଳନ କରିଛନ୍ତି।
୨’ ଫିଲ୍ମରେ ଶ୍ରଦ୍ଧାଙ୍କ ବିପକ୍ଷରେ ଅଭିନେତା ରାଜକୁମାର ରାଓ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଅମର କୌଶିକଙ୍କ ନିର୍ଦ୍ଦେଶିତ ଏବଂ ଦିନେଶ ଭିଜାନ ଓ ଜ୍ୟୋତି ଦେଶ୍ପାଣ୍ଡେଙ୍କ ପ୍ରଯୋଜିତ ଏହି ଫିଲ୍ମରେ ଅଭିନେତା ପଙ୍କଜ ତ୍ରିପାଠୀ, ଅପାରଶକ୍ତି ଖୁରାନା ଓ ଅଭିଷେକ ବାନାର୍ଜୀ ପ୍ରମୁଖ ଅଭିନୟ କରିଛନ୍ତି।
