ନୂଆଦିଲ୍ଲୀ,୧୦।୩: ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ପୁଣିଥରେ ବନ୍ଦ ହୋଇଯାଇଛି, ହଜାର ହଜାର ଉପଭୋକ୍ତା ପୋଷ୍ଟ ଆକ୍ସେସ କରିପାରୁନାହାଁନ୍ତି। ସୋମବାର ଏକ୍ସ ଦୁଇଥର ଡାଉନ୍ ହୋଇଛି। ପ୍ରଥମ ଥର ପାଇଁ ଅପରାହ୍ନ ପ୍ରାୟ ୩ଟା ଆଉ ଏବେ ଦ୍ୱିତୀୟ ଥର ପାଇଁ ସନ୍ଧ୍ୟା ପ୍ରାୟ ୭.୨୦ରେ ଡାଉନ୍ ହୋଇଛି। ସୂଚନାନୁଯାୟୀ, ଭାରତରୁ ପ୍ରାୟ ୨୦୦୦,ଆମେରିକାରୁ ୧୮,୦୦୦ ଏବଂ ୟୁକେରୁ ୧୦,୦୦୦ରୁ ଅଧିକ ଅଭିଯୋଗ ରିପୋର୍ଟ କରାଯାଇଛି। ଏଲନ ମସ୍କଙ୍କ ସୋସିଆଲ ମିଡିଆ ପ୍ଲାଟଫର୍ମ ବିଶ୍ୱବ୍ୟାପୀ ବିଭ୍ରାଟ ଉପରେ ଏ ପର୍ଯ୍ୟନ୍ତ କୌଣସି ସରକାରୀ ବୟାନ ଦେଇନାହିଁ।
ସର୍ବଶେଷ ଅପଡେଟ ଅନୁଯାୟୀ, ପ୍ଲାଟଫର୍ମର ସେବାଗୁଡ଼ିକ ରାତି ପ୍ରାୟ ୮ଟାରେ ପୁନଃସ୍ଥାପିତ ହୋଇଥିଲା, ଯାହା ଦ୍ୱାରା ବ୍ୟବହାରକାରୀମାନେ ପୁଣିଥରେ ୱେବସାଇଟ ଏବଂ ଆପ ଆକ୍ସେସ କରିପାରିବେ। ଏହି ବିଭ୍ରାଟର ପ୍ରଭାବ ବିଶେଷ ଭାବରେ ଭାରତରେ ଅନୁଭୂତ ହୋଇଥିଲା। ତଥ୍ୟ ଅନୁଯାୟୀ, ଆମେରିକାରେ ୫୭% ବ୍ୟବହାରକାରୀ ଆପ ସମସ୍ୟାର ସମ୍ମୁଖୀନ ହୋଇଥିଲେ, ୩୪% ୱେବସାଇଟ ଏବଂ ୯% ସର୍ଭର-ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହୋଇଥିଲେ। ସେହିପରି ୟୁକେରେ, ୬୧% ଉପଭୋକ୍ତା ଆପ, ୩୪% ୱେବସାଇଟ ସହିତ ଏବଂ ୫% ସର୍ଭର ସହିତ ସମସ୍ୟାର ସମ୍ମୁଖୀନ ହୋଇଥିଲେ।
ସେହିପରି ଭାରତରେ ୮୦% ଉପଭୋକ୍ତା ୱେବସାଇଟ ଆକ୍ସେସ କରିପାରିନଥିଲେ। ୧୧%ଙ୍କୁ ଲଗଇନ କରିବାରେ ସମସ୍ୟା ହୋଇଥିବାବେଳେ ୯%ଙ୍କୁ ମୋବାଇଲ ଆପ ସହିତ ସମସ୍ୟା ହୋଇଥିଲା।
