ଗୋଟିଏ ଅଣ୍ଡାର ମୂଲ୍ୟ କେତେ ହୋଇପାରେ? ୮ ଟଙ୍କା, ୧୦ ଟଙ୍କା, କିମ୍ବା ସର୍ବାଧିକ ୨୫ ଟଙ୍କା। କିନ୍ତୁ ବିଶ୍ୱରେ ଏମିତି ଏକ ଅଣ୍ଡା ଅଛି, ଯାହାର ମୂଲ୍ୟ ପ୍ରାୟ ୨୭୩ କୋଟି ଟଙ୍କା। ଏହା ଆଶ୍ଚର୍ଯ୍ୟ ଲାଗୁଥାଇପାରେ କିନ୍ତୁ ସତ। ଏତେ ଟଙ୍କାରେ ଜଣେ ସହଜରେ ୧୦୦ରୁ ଅଧିକ ଚମକଦାର ହେଲିକପ୍ଟର କିଣିପାରିବେ।
ଓ୍ବିଣ୍ଟର ଏଗ୍ (Winter Egg) ନିଲାମରେ ବିଶ୍ୱ ରେକର୍ଡ ସ୍ଥାପନ କରିଛି। ଏହା ପ୍ରସିଦ୍ଧ ରୁଷୀୟ ଅଳଙ୍କାର ଫାବର୍ଗେଙ୍କ ଦ୍ୱାରା ପ୍ରସ୍ତୁତ ହୋଇଥିଲା ଏବଂ ଏହା ତାଙ୍କ କଳାକୃତିର ଏକ ଅନନ୍ୟ ଉଦାହରଣ। ତରଳିଯାଇଥିବା ବରଫ ଖଣ୍ଡ ପରି ଦେଖାଯାଉଥିବା ଏହି ଅଣ୍ଡା ସ୍ଫଟିକରେ ତିଆରି। ଏଥିରେ ପ୍ରାୟ ୪,୫୦୦ ଛୋଟ ହୀରା ଖଚିତ ହୋଇଛି। ଅଣ୍ଡା ଭିତରେ ଏକ ଫୁଲଦାନୀ ମଧ୍ୟ ରଖାଯାଇଛି। ସାମଗ୍ରିକ ଭାବରେ, ଏହି ‘କ୍ରିଷ୍ଟାଲ ଫାବର୍ଗେ ଏଗ’ର କାରିଗରୀ ଏତେ ଚମତ୍କାର ଯେ, ଏହା ଲୋକଙ୍କୁ ମୋହିତ କରେ। ଏହି ଅଣ୍ଡାର ଇତିହାସ କୌଣସି ଚଳଚ୍ଚିତ୍ର ସ୍କ୍ରିପ୍ଟଠାରୁ କମ ନୁହେଁ। ରିପୋର୍ଟ ଅନୁସାରେ, ଏହି ଅଣ୍ଡା ୧୯୧୩ରେ ଇଷ୍ଟରରେ ରୁଷିଆର ଜାର ନିକୋଲାସ ଦ୍ୱିତୀୟ ତାଙ୍କ ମା’ ମହାରାଜା ମାରିଆ ଫିଓଡୋରୋଭନାଙ୍କୁ ଉପହାର ଦେଇଥିଲେ। ଏହା କେବଳ ଏକ କଳାକୃତି ନୁହେଁ, ବରଂ ରାଜପରିବାରର ଐଶ୍ୱର୍ଯ୍ୟର ସର୍ବଶ୍ରେଷ୍ଠ ପ୍ରତୀକ ଥିଲା, ଯାହା ରୁଷିଆ ବିପ୍ଳବରେ ଶେଷ ହୋଇଥିଲା।
କଥିତ ଅଛି ଯେ, ଜାରଙ୍କ ଶାସନ ଶେଷ ହେବା ପରେ ଏହି ଅଣ୍ଡା ହଜି ଯାଇଥିଲା, କିନ୍ତୁ ଏହା ୧୯୯୦ ଦଶକରେ ପୁନର୍ବାର ଦେଖାଯାଇଥିଲା। ସେବେଠାରୁ ଏହି ଅଣ୍ଡା ପ୍ରତ୍ୟେକ ଥର ବିକ୍ରି ହୋଇଛି, ପୂର୍ବ ସମସ୍ତ ନିଲାମ ରେକର୍ଡ ଭାଙ୍ଗିଛି। ଏବେ ୨୭୩ କୋଟିରେ ବିକ୍ରୟ କରି, ଏହି ଅଣ୍ଡା ପ୍ରମାଣିତ କରିଛି ଯେ, କଳା ଏବଂ ଇତିହାସ ସମ୍ପତ୍ତି ଅପେକ୍ଷା ବହୁତ ମୂଲ୍ୟବାନ।
Dharitri – Odisha’s No.1 Odia Daily
