ଭୁବନେଶ୍ୱର,୨୦।୧(ସ୍ପୋଟର୍ସ ବ୍ୟୁରୋ): ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ଆନୁକୂଲ୍ୟରେ ଚାଲିଥିବା ମହିଳା ସୀମିତ ଓଭର ଦିନିକିଆ କ୍ରିକେଟ ଲିଗ୍ରେ ମଙ୍ଗଳବାର ଓଡ଼ିଶା ୟେଲୋ, ଓଡ଼ିଶା ଭାଓଲେଟ ଓ ଓଡ଼ିଶା ରେଡ୍ ବିଜୟ ହାସଲ କରିଛନ୍ତି।
ସସ୍ମିତା, ଅଞ୍ଜଳି, କାଜଲଙ୍କ ଅର୍ଦ୍ଧଶତକ
ସ୍ଥାନୀୟ ବିକାଶ ଗ୍ରାଉଣ୍ଡରେ ଅନୁଷ୍ଠିତ ମ୍ୟାଚ୍ର ଦ୍ୱାଦଶ ମ୍ୟାଚ୍ରେ ୟେଲୋ ୩୪ଟି ବଲ୍ ବାକିଥାଇ ୭ ଉଇକେଟରେ ଗ୍ରୀନ୍କୁ ପରାସ୍ତ କରିଛି। ଟସ୍ ଜିତି ପ୍ରଥମେ ବ୍ୟାଟିଂ କରି ଗ୍ରୀନ୍ ୫୦ ଓଭରରେ ୯ ଉଇକେଟ ହରାଇ ୧୬୮ ରନ ସଂଗ୍ରହ କରିଥିଲା। ଦଳ ତରଫରୁ ସସ୍ମିତା ମହାଳିକ ୫୩, ଡି.ଜେ. ରେଡ୍ଡୀ ୩୨ ରନ ସଂଗ୍ରହ କରିଥିଲେ। ବୋଲିଂରେ ୟେଲୋର ତରାନା ପ୍ରଧାନ, ପ୍ରିୟଙ୍କା ସାହୁ ଓ ଜି.ଏମ୍. ଅଳକାନନ୍ଦା ୨ଟି ଲେଖାଏ ଉଇକେଟ ଅକ୍ତିଆର କରିଥିଲେ। ଜବାବରେ ୟେଲୋ ୪୪.୨ ଓଭରରେ ୩ ଉଇକେଟ ହରାଇ ୧୬୯ ରନ ସଂଗ୍ରହ କରି ବିଜୟୀ ହୋଇଥିଲା। ଦଳ ପକ୍ଷରୁ କାଜଲ ଜେନା ୭୮, ଅଞ୍ଜଳି ସିଂ ୬୧ ରନ ସଂଗ୍ରହ କରିଥିଲେ। ଗ୍ରୀନ୍ ତରଫରୁ ଶୁଭ୍ରା ସ୍ବାଇଁ ୨ ଉଇକେଟ ଅକ୍ତିଆର କରିଥିଲେ।
ଅରେଞ୍ଜ ୧୭୦ ରନରେ ପରାସ୍ତ
କିଟ୍ ଗ୍ରାଉଣ୍ଡରେ ରେଡ୍ ବୃହତ୍ ୧୭୦ ରନରେ ଅରେଞ୍ଜକୁ ହରାଇଛି। ଟସ୍ ଜିତି ରେଡ୍ ପ୍ରଥମେ ବ୍ୟାଟିଂ କରି ୫୦ ଓଭରରେ ୪ ଉଇକେଟ ହରାଇ ୨୫୬ ରନ ସଂଗ୍ରହ କରିଥିଲା। ଦଳ ତରଫରୁ ଶିଳ୍ପା ସ୍ବାଇଁ ୭୨, ମାଧୁରୀ ମେହେଟା ୪୩, ଶ୍ରୀୟା ଚକ୍ର ୩୮, ସରୋଜିନୀ ଗିରି ୩୫ ରନ ସଂଗ୍ରହ କରିଥିଲେ। ବୋଲିଂରେ ଅରେଞ୍ଜ ତରଫରୁ ରସନାରା ପରବୀନ ୨, ସ୍ମ୍ୃତି ମହନ୍ତ ଓ ସୂର୍ଯ୍ୟସନଟ ସ୍ବାଇଁ ଗୋଟିଏ ଲେଖାଏ ଉଇକେଟ ଅକ୍ତିଆର କରିଥିଲେ। ଜବାବରେ ଅରେଞ୍ଜ ୪୩.୨ ଓଭରରେ ୯ ଉଇକେଟ ହରାଇ ୮୬ ରନ ସଂଗ୍ରହ କରିଥିଲା। ଦଳ ପକ୍ଷରୁ ବର୍ଷା ସିଂ ୧୮, ପରବୀନ ୧୨ ରନ କରିଥିଲେ। ବୋଲିଂରେ ରେଡ୍ ତରଫରୁ ସୁଶ୍ରୀ ସିଂ ୩, ରାଜଶ୍ରୀ ସ୍ବାଇଁ ଓ ପ୍ରାର୍ଥନା ପ୍ରତିଶ୍ରୁତି ୨ଟି ଲେଖାଏ ଉଇକେଟ ଅକ୍ତିଆର କରିଥିଲେ।
ପର୍ପଲ ୭ ଉଇକେଟରେ ପରାସ୍ତ
ମୂଳା ପଡିଆରେ ଅନୁଷ୍ଠିତ ମ୍ୟାଚ୍ରେ ଭାଓଲେଟ୍ ୭ ଉଇକେଟରେ ପର୍ପଲକୁ ହରାଇଛି। ଟସ୍ ହାରି ପର୍ପଲ ପ୍ରଥମେ ବ୍ୟାଟିଂ କରି ୫୦ ଓଭରରେ ୮ ଉଇକେଟ ହରାଇ ୧୭୨ ରନ ସଂଗ୍ରହ କରିଥିଲା। ଦଳ ପକ୍ଷରୁ ଅଲିପ୍ସା ବିଶ୍ୱାଳ ୭୨, ପୂଜା ଦାସ ୨୯ ରନ ସଂଗ୍ରହ କରିଥିଲେ। ବୋଲିଂରେ ଭାଓଲେଟ୍ ପକ୍ଷରୁ ପ୍ରୀତି ପ୍ରିୟଦର୍ଶନ ୩, ସୁଶ୍ରୀ ଦିବ୍ୟଦର୍ଶନୀ ୨, ପ୍ରାଞ୍ଜଲ ସିଂ ଗୋଟିଏ ଉଇକେଟ ଅକ୍ତିଆର କରିଥିଲେ। ଜବାବରେ ଭାଓଲେଟ୍ ୪୪.୪ ଓଭରରେ ୩ ଉଇକେଟ ହରାଇ ବିଜୟଲକ୍ଷ୍ୟ ହାସଲ କରି ନେଇଥିଲା। ଦଳ ପକ୍ଷରୁ ରଶ୍ମିତା ଚିନ୍ନାରା ୪୮, ସ୍ବିଟ୍ ବେଉରା ୪୫, ସଙ୍ଗୀତା ଖାଡିଆ ୩୧ ରନ ସଂଗ୍ରହ କରିଥିଲେ। ବୋଲିଂରେ ପର୍ପଲ ତରଫରୁ ରାନୀ କେ. ପ୍ରସାଦ ଓ ଲିଓନା ପ୍ରିୟଦର୍ଶନୀ ଗୋଟିଏ ଲେଖାଏ ଉଇକେଟ ଅକ୍ତିଆର କରିଥିଲେ।
