ମୁମ୍ବାଇ, ୨୧।୫ : ଆଇପିଏଲ୍ ସିଜିନ୍ର ୧୫ତମ ସଂସ୍କରଣର ୬୯ ତମ ମ୍ୟାଚରେ ଶନିବାର ଦିଲ୍ଲୀ କ୍ୟାପିଟାଲ୍ସ୍୍ (ଡିସି) ବିପକ୍ଷରେ ମୁମ୍ବାଇ ଇଣ୍ଡିଆନ୍ସ୍(ଏମ୍ଆଇ) ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ମହାରାଷ୍ଟ୍ର ମୁମ୍ବାଇର ଓ୍ବାଙ୍ଖଡେ ଷ୍ଟାଡିୟମ୍ରେ ଖେଳାଯାଉଥିବା ଏହି ମ୍ୟାଚ୍ରେ ଏମ୍ଆଇର ଅଧିନାୟକ ରୋହିତ ଶର୍ମା ଟସ ଜିଣିବା ପରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ଡିସିର ଅଧିନାୟକ ରିଶଭ ପନ୍ତଙ୍କ ନେତୃତ୍ୱରେ ଟିମ୍ ବ୍ୟାଟିଂ ଆରମ୍ଭ କରିଥିଲା।
ନିର୍ଦ୍ଧାରିତ ୨୦ ଓଭରରେ ଡିସି ୭ ଓ୍ବିକେଟ ହରାଇ ୧୫୯ରନ୍ କରିଛି। ଫଳରେ ଏମ୍ଆଇ ପାଇଁ ବିଜୟ ଲକ୍ଷ୍ୟ ୧୬୦ ରନ୍ ରହିଛି।
ଡିସି ପକ୍ଷରୁ ପୃଥ୍ବୀରାଜ ଶ ୨୩ ବଲ୍ରେ ୨୪ ରନ୍ କରିଥିଲେ। ସେହିପରି ଡାଭିଡ୍ ଓ୍ବାର୍ନର ୬ ବଲ୍ରେ ୫ ରନ୍ , ରିଷଭ ପନ୍ତ ୩୩ ବଲ୍ରେ ୩୯ ରନ୍, ସରଫରାଜ ଖାନ୍ ୭ ବଲ୍ରେ ୧୦ ରନ୍, ରୋଭମାନ ପୋଓ୍ବଲ ୩୪ ବଲ୍ରେ ୪୩ ରନ୍ କରିଥିଲେ। ସେହିପରି ଅକ୍ଷର ପଟେଲ ୧୦ ବଲ୍ରେ ୧୯ ରନ୍, ଶାର୍ଦ୍ଦୁଳ ଠାକୁର ୫ ବଲ୍ରେ ୪ ରନ୍ କରିଥିଲେ।
