ମୁମ୍ବାଇ: ଅଭିନେତା-ନିର୍ଦ୍ଦେଶକ ରିଷଭ ଶେଟ୍ଟୀଙ୍କ ଚଳଚ୍ଚିତ୍ର ‘କାନ୍ତାରା’ ବକ୍ସ ଅଫିସରେ ସୁପରହିଟ୍ ହୋଇଥିଲା। ଏହି ଚଳଚ୍ଚିତ୍ରର ସଫଳତା ପରେ ରିଷବ ଶେଟ୍ଟୀ ପାନ ଇଣ୍ଡିଆ ମାନ୍ୟତା ହାସଲ କରିଥିଲେ। ତାଙ୍କର ଚମତ୍କାର ପ୍ରଦର୍ଶନ ପାଇଁ ତାଙ୍କୁ ଦାଦାସାହେବ ଫାଲକେ ଆଓ୍ବାର୍ଡରେ ମୋଷ୍ଟ ପ୍ରମିସିଙ୍ଗ୍ ଆକ୍ଟର ପଦବୀ ପ୍ରଦାନ କରାଯାଇଥିଲା। ଇତି ମଧ୍ୟରେ ‘କାନ୍ତାରା’ର ପ୍ରିକ୍ୱେଲ ପାଇଁ ପ୍ରସ୍ତୁତି ମଧ୍ୟ ଆରମ୍ଭ ହୋଇଛି। ନିକଟରେ ଏକ ଫଟୋରେ ରିଷଭଙ୍କ ସହ ବଲିଉଡ ଅଭିନେତ୍ରୀ ଉର୍ବଶୀ ରୌତେଲାଙ୍କ ଫଟୋ ଭାଇରାଲ ହୋଇଥିଲା। ଯାହାକୁ ନେଇ ‘କାନ୍ତାରା-୨’ରେ ଉର୍ବଶୀ ଏଣ୍ଟ୍ରି କରିପାରନ୍ତି ବୋଲି ଖବର ସାମ୍ନାକୁ ଆସିଥିଲା, କିନ୍ତୁ ବର୍ତ୍ତମାନ ରିଷଭ ଶେଟ୍ଟୀ ଏହା ଉପରେ ନୀରବତା ଭାଙ୍ଗିଛନ୍ତି।
ନିକଟରେ ଏକ ସାକ୍ଷାତକାରରେ ରିଷଭ ଶେଟ୍ଟୀଙ୍କୁ ‘କାନ୍ତାରା-୨’ରେ ଉର୍ବଶୀ ନଜର ଆସିବା ନେଇ ପଚରାଯାଇଥିଲା। ଯାହାର ଉତ୍ତରରେ ସେ କହିଛନ୍ତି ଯେ, ସେହି ସେଲଫି ଦେଖିବା ପରେ ଆପଣ ଏଭଳି ଭାବିଦେଇଛନ୍ତି। ବର୍ତ୍ତମାନ ଏହା େtସପରି ନୁହେଁ। ଫିଲ୍ମକୁ ନେଇ କାମ ଚାଲିଛି। ଖୁବ୍ଶୀଘ୍ର ଏହାକୁ ନେଇ ଏକ ଘୋଷଣା ହେବ।
ଚଳଚ୍ଚିତ୍ର କାନ୍ତାରା ସେପ୍ଟେମ୍ବର ୩୦ରେ ରିଲିଜ୍ ହୋଇଥିଲା। ୨୦ କୋଟି ବଜେଟରେ ନିର୍ମିତ ଚଳଚ୍ଚତ୍ରଟି ବକ୍ସ ଅଫିରେ ୪୦୦ କୋଟିରୁ ଅଧିକ ଆୟ କରି ରେକର୍ଡ ସୃଷ୍ଟି କରିଥିଲା।
