ନୂଆଦିଲ୍ଲୀ,୨୭।୨: କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ ଲୋକ ସଭା ନିର୍ବାଚନ ଲଢିବେ କି? ଏ ନେଇ ରାଜନୈତିକ ମହଲରେ କଳ୍ପନାଜଳ୍ପନା ତୀବ୍ର ହୋଇଛି। ବାସ୍ତବରେ ବିଶ୍ୱ ବାଣିଜ୍ୟ ସଂଗଠନ (ଡବ୍ଲ୍ୟୁଟିଓ) ମନ୍ତ୍ରୀସ୍ତରୀୟ ବୈଠକର ପ୍ରଥମ ଦୁଇ ଦିନରେ ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ପୀୟୁଷ ଗୋୟଲଙ୍କ ଅନୁପସ୍ଥିତି ସେଠାରେ ଉପସ୍ଥିତ ଥିବା ଲୋକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି। ଡବ୍ଲୁଟିଏଚଓ ମହାନିର୍ଦ୍ଦେଶକ ଏନଗୋଜି ଓକୋଞ୍ଜୋ-ଇବେଲା ଗୋୟଲଙ୍କ ମୁମ୍ବାଇରୁ ଲୋକ ସଭା ନିର୍ବାଚନ ଲଢିବାର ସମ୍ଭାବନା ଉପରେ ଇଶାରା କରିଛନ୍ତି।
ଯେତେବେଳେ ଗୋୟାଲଙ୍କ ଅନୁପସ୍ଥିତି ବିଷୟରେ ପଚରାଗଲା, ଡବ୍ଲୁଟିଏଚଓ ମହାନିର୍ଦ୍ଦେଶକ କହିଛନ୍ତି ଯେ, ତାଙ୍କ ପ୍ରାର୍ଥୀତା ଏବଂ ଭାରତରେ ଚାଲିଥିବା ନିର୍ବାଚନ କାରଣରୁ ସେ ରାଜନୈତିକ ସ୍ତରରେ ବ୍ୟସ୍ତ ଅଛନ୍ତି। ୟୁଏଇର ବାଣିଜ୍ୟ ମନ୍ତ୍ରୀ ଥାନି ବିନ ଅହମ୍ମଦ ଅଲ ଜୈୟାଦ କହିଛନ୍ତି ଯେ ସପ୍ତାହ ଶେଷରେ ଗୋୟଲ ଏହି ଆଲୋଚନାରେ ଯୋଗଦେବେ ବୋଲି ଆଶା କରାଯାଉଛି। ତେବେ ଓକୋଞ୍ଜୋ-ଇବେଲାଙ୍କ ମନ୍ତବ୍ୟ ଗୋୟଲଙ୍କ ମୁମ୍ବାଇରୁ ସମ୍ଭାବ୍ୟ ପ୍ରାର୍ଥୀ ହେବାର କଳ୍ପନାକୁ ନିଶ୍ଚିତ କରୁଛି।
