ନୂଆଦିଲ୍ଲୀ,୬ା୧୦: ଭାରତୀୟ ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀଙ୍କ ଚେତାବନୀର କିଛି ଦିନ ପରେ ପାକିସ୍ତାନର ରକ୍ଷାମନ୍ତ୍ରୀ ଖ୍ୱାଜା ଆସିଫ୍ ରବିବାର ଯୁଦ୍ଧ ଘୋଷଣା କରିଛନ୍ତି। ସେ କହିଛନ୍ତି, “ଭାରତକୁ ତାଙ୍କ ଯୁଦ୍ଧବିମାନର ଧ୍ୱଂସାବଶେଷ ତଳେ ପୋତି ଦେବୁ”।
ଏହି ବୟାନ ଭାରତୀୟ ସେନାମୁଖ୍ୟ ଓ ରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଚେତାବନୀ ପରେ ଆସିଛି। ଆସିଫ୍ ଭାରତୀୟ ନେତାମାନଙ୍କ ବୟାନକୁ “ଉତ୍ତେଜନାପୂର୍ଣ୍ଣ” କହି ଅଭିଯୋଗ କରିଛନ୍ତି ଯେ, ଏହା ମେ’ରେ ହୋଇଥିବା ‘ଅପରେସନ୍ ସିନ୍ଦୂର’ରେ ପାକ୍’ର ୬-୦ରେ ପରାଜୟ ପରେ ନିଜର ବିଶ୍ୱାସ ଫେରାଇବାକୁ ‘ବିଫଳ ଚେଷ୍ଟା’। “ଆହୁରି ଚେଷ୍ଟା କଲେ, ଈଶ୍ୱରଙ୍କ ଇଚ୍ଛାରେ, ସ୍କୋର୍ ଆଗରୁଠାରୁ ଭଲ” କୁହିଛନ୍ତି ସେ।
‘ଅପରେସନ୍ ସିନ୍ଦୂର’ ୭ ମେ’ରେ ୨୨ ଏପ୍ରିଲ୍’ରେ ପହଲଗାମ୍ ଆତଙ୍କୀ ଆକ୍ରମଣର (୨୬ ଜଣ ମୃତ୍ୟୁ)ର ପ୍ରତିକ୍ରିୟାରେ ଆରମ୍ଭ ହୋଇଥିଲା। ଯେଉଁଥିରେ ଭାରତ ପାକିସ୍ତାନର ୯ଟି ଆତଙ୍କୀୟ ସ୍ଥାନ ଉପରେ ଆକ୍ରମଣ କରି ୧୦୦ରୁ ଅଧିକ ଆତଙ୍କୀ ନିହତ କରିଥିବା ଦାବି କରିଛି। ତେବେ ପାକିସ୍ତାନ ୬ଟି ଭାରତୀୟ ଯୁଦ୍ଧବିମାନ୍ ଖସିଥିବା ଦାବି କରିଛି, ଯାହାର କୌଣସି ପ୍ରମାଣ ନାହିଁ।
