ଅମରପାଲି,୨୯।୮(ପୀତାମ୍ବର ସାହୁ): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ କେନଝିରିଆପାଲି ଗ୍ରାମ ପଞ୍ଚାୟତ ଅନ୍ତର୍ଗତ ବାରଝୁଲା ଗ୍ରାମରେ ଝାଡାବାନ୍ତି ବ୍ୟାପିଛି। ଗ୍ରାମର ପ୍ରାୟ ୧୨ଜଣ ବ୍ୟକ୍ତି ଝାଡ଼ା ବାନ୍ତି ରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ମଙ୍ଗଳବାର ୮ ଜଣ ଆକ୍ରାନ୍ତ ହୋଇଥିବା ବେଳେ ବୁଧୁବାର ପୁଣି ୪ ଜଣ ଆକ୍ରାନ୍ତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି l
ସୂଚନାଯୋଗ୍ୟ, ଝାଡାବାନ୍ତିରେ ଆକ୍ରାନ୍ତ ହେବାରୁ ସମସ୍ତଙ୍କୁ ବୀରମହାରାଜପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। କିନ୍ତୁ ଝାଡାବାନ୍ତି ନିୟନ୍ତ୍ରଣ ନ ହେବାରୁ ସମସ୍ତଙ୍କୁ ଜିଲା ମୁଖ୍ୟ ଡାକ୍ତରଖାନାକୁ ଚିକିତ୍ସା ପାଇଁ ସ୍ଥାନାନ୍ତରିତ କରାଯାଇଛି l ଗ୍ରାମର ରଘୁମଣି ପଧାନ (୬୫), ବିଶାମିତ୍ର ପାତ୍ର (୪୦), ତ୍ରିବିକ୍ରମ ପଧାନ (୬୨), ସୁଦାମ ଷଣ୍ଢ(୩୧), ଚନ୍ଦ୍ରମଣି ଅଦାବର (୪୫), ଗୋବିନ୍ଦ ଖେତି(୮), ରାମଚନ୍ଦ୍ର ବେହେରା(୪୭),କର୍ମଣି ବେହେରା ଆକ୍ରାନ୍ତ ହୋଇ ପ୍ରଥମେ ବୀରମହାରାଜପୁର ପରେ ଜିଲା ମୁଖ୍ୟ ଡାକ୍ତରଖାନାରେ ଚିକିତ୍ସିତ ହେଉଥିବା ସୂଚନା ମିଳିଛି।
ସେହିପରି ବୁଧୁବାର ଦିନ ପୁଣି ୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ଆକ୍ରାନ୍ତ ମାନେ ବୀରମହାରାଜପୁର ଚିକିତ୍ସାଳୟରେ ଭର୍ତ୍ତି ହୋଇଥିବା ସୂଚନା ମିଳିଛି l ଗ୍ରାମର କୁମୁଦିନୀ ବାଘ (୫୨),ବେଟିଖାଇ ପଧାନ (୬୬),ଉତ୍ତରା ପଧାନ(୫୭)
ମେନକା ବାରିକ(୩୨)ଙ୍କୁ ଝାଡ଼ା ବାନ୍ତି ହେବାରୁ ବୀରମହାରାଜପୁର ଡାକ୍ତରଖାନାତ୍ରେ ଭର୍ତ୍ତି କରାଯାଇଛି।
ବୀରମହାରାଜପୁର ଏସଡିଏଚ ତରଫରୁ ଏକ ଡାକ୍ତରୀ ଟିମ, ଆଶା ଦିଦି, ଅଙ୍ଗନୱାଡ଼ି କର୍ମୀ ମିଳିତ ଭାବେ ଗ୍ରାମରେ ପହଞ୍ଚି ଘର ଘର ବୁଲି ପରୀକ୍ଷା କରିବା ସହିତ ଆବଶ୍ୟକ ଔଷଧ, ଓଆରଏସ ବଣ୍ଟନ କରିଛନ୍ତି। ଏହା ସହିତ ଲୋକଙ୍କୁ ସଚେତନ ମଧ୍ୟ କରିଛନ୍ତି।
ଗତ କିଛି ଦିନ ପୂର୍ବରୁ ପୁରୁଷୋତ୍ତମ ପାଲି ଓ ବଡବର୍ଡାକଟା ଗ୍ରାମରେ ଝାଡାବାନ୍ତିରେ ଆକ୍ରାନ୍ତ ହୋଇ ୨ ଜଣଙ୍କ ମୃତ୍ୟୁ ହୋଇଥିଲା ଏବଂ ଅନେକ ଆକ୍ରାନ୍ତ ହୋଇଥିଲେ। ତେବେ ପ୍ରଶାସନ ଏଥିପ୍ରତି ତୁରନ୍ତ ଗୁରୁତ୍ୱ ଦେଇ ଗ୍ରାମରେ ଯେପରି ଆକ୍ରାନ୍ତଙ୍କ ସଂଖ୍ୟା ନ ବଢିବ ସେଥିପ୍ରତି ଯତ୍ନବାନ ହେବାକୁ ଦାବି ହେଉଛି।
