ନୂଆଦିଲ୍ଲୀ,୨।୨: ଅର୍ଥମନ୍ତ୍ରୀ ନିର୍ମଳା ସୀତାରାମନ ଶନିବାର (ଫେବୃଆରୀ ୧) ତାଙ୍କର ଲଗାତାର ଅଷ୍ଟମ ବଜେଟ ଉପସ୍ଥାପନ କରିଛନ୍ତି। ସେ ବାର୍ଷିକ ୧୨ ଲକ୍ଷ ଟଙ୍କା ପର୍ଯ୍ୟନ୍ତ ଆୟକୁ ଟିକସ ପରିସରରୁ ବାହାରେ ରଖିବା ପାଇଁ ଏକ ବଡ଼ ଘୋଷଣା କରିଥିଲେ, ଯାହା କେବଳ ଅର୍ଥନୀତିକୁ ଆଗକୁ ବଢାଇବାରେ ସାହାଯ୍ୟ କରିବ ତା ନୁହେଁ ବରଂ ସାଧାରଣ ଲୋକଙ୍କ ଏକ ବଡ଼ ବର୍ଗକୁ ମଧ୍ୟ ଆଶ୍ୱସ୍ତି ପ୍ରଦାନ କରିପାରିବ।
ବଜେଟ ପରେ ସମ୍ବାଦ ସରବରାହ ସଂସ୍ଥା ପିଟିଆଇକୁ ଦିଆଯାଇଥିବା ଏକ ସାକ୍ଷାତକାରରେ ନିର୍ମଳା ସୀତାରମଣ ବଜେଟ ୨୦୨୬କୁ ‘ଜନତାଙ୍କ ପାଇଁ, ଲୋକଙ୍କ ବଜେଟ’ ବୋଲି କହିଛନ୍ତି। ସେ କହିଛନ୍ତି ଯେ ଏହି ବଜେଟରେ ଟିକସ ଛାଡ଼ର ଚିନ୍ତାଧାରା ପ୍ରଧାନମନ୍ତ୍ରୀ ମୋଦିଙ୍କ ସମର୍ଥନ ପାଇଥିଲା, କିନ୍ତୁ ଅମଲାମାନଙ୍କୁ ବୁଝାଇବା ପାଇଁ ବହୁତ ସମୟ ଲାଗିଥିଲା।
ଅର୍ଥମନ୍ତ୍ରୀ ପୂର୍ବତନ ଆମେରିକା ରାଷ୍ଟ୍ରପତି ଆବ୍ରାହମ ଲିଙ୍କନଙ୍କ କଥା ଉଲ୍ଲେଖ କରି, ୨୦୨୫ ମସିହାର କେନ୍ଦ୍ରୀୟ ବଜେଟକୁ ‘ଲୋକଙ୍କ ଦ୍ୱାରା, ଲୋକଙ୍କ ପାଇଁ, ଲୋକଙ୍କର’ ଭାବରେ ବର୍ଣ୍ଣନା କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଅର୍ଥମନ୍ତ୍ରୀ ନିର୍ମଳା ସୀତାରରମନ ପୂର୍ବରୁ ମଧ୍ୟବିତ୍ତ ବର୍ଗର ଆୟକରଦାତାଙ୍କ ବିଷୟରେ ଅନେକ ଥର କଥା ହୋଇଥିଲେ, କିନ୍ତୁ ଏଥର ସେମାନେ ସେମାନଙ୍କ ସ୍ବାର୍ଥ ପାଇଁ ମଧ୍ୟ ପଦକ୍ଷେପ ନେଇଛନ୍ତି।
ବାର୍ଷିକ ୭ ଲକ୍ଷ ଟଙ୍କାରୁ ସିଧାସଳଖ ୧୨ ଲକ୍ଷ ଟଙ୍କାକୁ ଆୟକର ଛାଡ଼ ସୀମା ବୃଦ୍ଧି କରିବା ସରକାରଙ୍କର‘ମଧ୍ୟମ ବର୍ଗ’ ଭୋଟ ବ୍ୟାଙ୍କକୁ ଆକର୍ଷିତ କରିବାର ଏକ ପ୍ରୟାସ ଭାବରେ ଦେଖାଯାଉଛି। ଅର୍ଥମନ୍ତ୍ରୀ କହିଛନ୍ତି ଯେ ଏହା ସାଧାରଣ କରଦାତାଙ୍କ ପାଖରେ ଅତିରିକ୍ତ ୧.୧ ଲକ୍ଷ କୋଟି ଟଙ୍କା ଉପଲବ୍ଧ କରିବ, ଯାହା ଘରୋଇ ଚାହିଦା ବୃଦ୍ଧି କରିବାରେ ସାହାଯ୍ୟ କରିବ।
ଏକ ସାକ୍ଷାତକାର ସମୟରେ, ଯେତେବେଳେ ଅର୍ଥମନ୍ତ୍ରୀଙ୍କୁ ପଚରାଗଲା ଯେ ସରକାର ବାର୍ଷିକ ୧୨ ଲକ୍ଷ ଟଙ୍କା ପର୍ଯ୍ୟନ୍ତ ଆୟକୁ ଟିକସ ପରିସରରୁ ବାହାରେ ରଖିବା ପାଇଁ କାହିଁକି ନିଷ୍ପତ୍ତି ନେଲେ, ଅର୍ଥମନ୍ତ୍ରୀ ଏହାର ଉତ୍ତର ଦେଇଥିଲେ।
ସେ କହିଥିଲେ, ‘ମଧ୍ୟବିତ୍ତ ବର୍ଗରେ ସେମାନେ କ’ଣ ପାଇଲେ ସେ ବିଷୟରେ ବହୁତ ଆଲୋଚନା ହେଉଛି। ଆମର ଧ୍ୟାନ ସର୍ବଦା ପ୍ରତ୍ୟେକ କ୍ଷେତ୍ରର ଲୋକଙ୍କ ଉପରେ। ଏଥର ଆମେ ଦେଖିଲୁ ଯେଉଁମାନେ ଅତି କମରେ ୧ ଲକ୍ଷ ଟଙ୍କା ରୋଜଗାର କରନ୍ତି ସେମାନଙ୍କର ଜୀବନଶୈଳୀ କ’ଣ? ଏମାନେ କିପରି ବଞ୍ଚନ୍ତି? ସେମାନେ କି ପ୍ରକାରର ଜୀବନଶୈଳୀ ବଜାୟ ରଖନ୍ତି? ଏସବୁ ଦେଖିବା ପରେ, ଆମେ ମାସିକ ୧ ଲକ୍ଷ ଟଙ୍କା ରୋଜଗାର କରୁଥିବା ଲୋକଙ୍କୁ ଟ୍ୟାକ୍ସ ଛାଡ ଦେବାକୁ ନିଷ୍ପତ୍ତି ନେଇଛୁ।
