ନୂଆଦିଲ୍ଲୀ,୧।୩: ମାର୍ଚ୍ଚ ୧ ତାରିଖରୁ ଦେଶରେ କରୋନା ଟିକାକରଣର ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ କରୋନା ଟିକା ନେଇ ଏହାର ଶୁଭାରମ୍ଭ କରିଥିଲେ। ଏହାକୁ ନେଇ ରାଜନୀତି ଆରମ୍ଭ ହୋଇଛି। କଂଗ୍ରେସ ନେତା ତଥା ଲୋକ ସଭାରେ ବିରୋଧୀଦଳର ନେତା ଅଧୀର ରଂଜନ ଚୌଧୁରୀ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦି ନିର୍ବାଚନୀ ରାଜନୀତି କରୁଛନ୍ତି। ସେ କାହିଁକି ପୂର୍ବରୁ ଟିକା ନେଲେ ନାହିଁ ବୋଲି ସେ ପ୍ରଶ୍ନ କରିଛନ୍ତି। ବୈଜ୍ଞାନିକମାନେ ଟିକା ସୁରକ୍ଷିତ କହିବା ପରେ ମୋଦି ନେଲେ। କେବଳ ଏତିକି ନୁହେଁ, ନିର୍ବାଚନକୁ ଦୃଷ୍ଟିରେ ରଖି କେରଳ ଏବଂ ପୁଡୁଚେରୀର ନର୍ସ ଏବଂ ଆସାମର ଗାମୁଛା କାନ୍ଧରେ ପକାଇ ଟିକା ନେଇଥିଲେ ବୋଲି ଅଧୀର ରଞ୍ଜନ କହିଛନ୍ତି। ଅଧୀରଙ୍କ ଏହି ବିବୃତ୍ତି ପରେ କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ ଏହାର ପ୍ରତିବାଦ କରି କହିଛନ୍ତି ଯେ ଆଜି ପ୍ରଧାନମନ୍ତ୍ରୀ ମୋଦି ସମସ୍ତଙ୍କୁ ଉତ୍ତର ଦେଇଛନ୍ତି।
