ନୂଆଦିଲ୍ଲୀ,୨୮।୬ : ସେଲ୍ଫ ଡ୍ରାଇଭିଂ ଷ୍ଟାର୍ଟ ଅପ୍ ଜକ୍ସ ଇଙ୍କ୍କୁ ଆମାଜନ ଡଟ୍ କମ୍ ଅଧିଗ୍ରହଣ କରିଛି। ଏହାର ଗୋଟିଏ ଦିନ ପରେ ଟେସଲା ଇଙ୍କ୍ର ପ୍ରତିଷ୍ଠାତା ଏଲନ ମସ୍କ ଆମାଜନ ସିଇଓ ଜେଫ୍ ବେଜୋସଙ୍କୁ ଟୁଇଟରେ ତାଚ୍ଛଲ୍ୟ କରି କପି କ୍ୟାଟ୍ ବୋଲି କହିଛନ୍ତି। ମସ୍କ ବେଜୋସଙ୍କୁ ପ୍ରଥମଥର ଏଭଳି କହିନାହାନ୍ତି। ପୂର୍ବରୁ ଆମାଜନର ରକେଟ ଲଞ୍ଚିଂ ପ୍ଲାଟ୍ଫର୍ମ ବ୍ଲୁ ଅରିଜିନ ଦ୍ୱାରା ସାଟେଲାଇଟ ଭିତ୍ତିକ ଇଣ୍ଟରନେଟ ସେବା ଯୋଗାଣକୁ ମଧ୍ୟ ମସ୍କ କପି କ୍ୟାଟ ବୋଲି ଟୁଇଟରେ କହିଥିଲେ। ସୂଚନାଯୋଗ୍ୟ ଜକ୍ସକୁ ଅଧିଗ୍ରହଣ କରିବା ଲାଗି ଆମାଜନ ୧ ବିଲିୟନ ଡଲାର ଡିଲରେ ସାମିଲ ହୋଇଛି। ଏହା ଦ୍ୱାରା ଆମାଜନ ଅଟୋନୋମସ ଭେଇକିଲ କ୍ଷେତ୍ରରେ ପ୍ରବେଶ କରିବ।
