ନୂଆଦିଲ୍ଲୀ, ୧୪।୭: ଗଙ୍ଗାନଦୀ ଜଳରେ ରୋଗ ନାଶକାରୀ ଏକ ପ୍ରକାର ଭୂତାଣୁ ରହିଛନ୍ତି। ଏହି ଭୂତାଣୁ ଦ୍ୱାରା ଗଙ୍ଗାନଦୀ ଜଳର ଔଷଧୀୟ ଗୁଣ ବଜାୟ ରହିଥିବା ଗବେଷକ କହିଥାନ୍ତି। ୧୩୦ ବର୍ଷ ତଳେ ୧୮୯୦ରେ ବ୍ରିଟିଶ୍ ବୈଜ୍ଞାନିକ ଅର୍ନେଷ୍ଟ୍ ହେକି୍ନନ୍ ଗଙ୍ଗାନଦୀ ଜଳରେ ରହିଥିବା ଏହି ଚମତ୍କାରୀ ଭୂତାଣୁ ସମ୍ପର୍କରେ ଏକ ରିପୋର୍ଟ ପ୍ରକାଶ କରିଥିଲେ। ଏଥିରେ ଦର୍ଶାଯାଇଥିଲା ଯେ, ଏହି ଭୂତାଣୁ ସହଜରେ ପଚାସଢ଼ା ପଦାର୍ଥକୁ ନଷ୍ଟ କରିଦେଇଥାଏ। ରିପୋର୍ଟରେ ଦର୍ଶାଯାଇଥିଲା ୟୁରୋପରେ ବହୁ ଲୋକ ଦୂଷିତ ପାଣି ପିଇବା ଯୋଗୁ ବିଭିନ୍ନ ସ୍ବାସ୍ଥ୍ୟ ସମସ୍ୟାରେ ପଡ଼ିଥାନ୍ତି। ଏପରିସ୍ଥଳେ ଗଙ୍ଗାନଦୀ କୂଳରେ ବାସ କରୁଥିବା ଲୋକେ ଗଙ୍ଗାନଦୀ ପାଣି ପିଇଲେ ମଧ୍ୟ ସେମାନଙ୍କର କୌଣସି କ୍ଷତି ହୋଇ ନ ଥାଏ। ପରବର୍ତ୍ତୀ ସମୟରେ ହେକି୍ନନ୍ଙ୍କ ଗବେଷଣା ରିପୋର୍ଟ ଉପରେ ୨୦ବର୍ଷ ପରେ ଫ୍ରାନ୍ସ୍ର ବୈଜ୍ଞାନିକ ମାନେ ପରୀକ୍ଷା ନିରୀକ୍ଷା ଆରମ୍ଭ କରିଥିଲେ। ଜଣାପଡ଼ିଥିଲା ଗଙ୍ଗାନଦୀ ଜଳରେ ଥିବା ଭୂତାଣୁ ହଇଜା ଭଳି ମହାମାରୀକୁ ରୋକିବାରେ ସଫଳ ହୋଇଥାଏ। ଏହି ଭୂତାଣୁ ଯୋଗୁ ଗଙ୍ଗାପାଣି ପିଉଥିବା ଏବଂ ପ୍ରତିଦିନ ଏଥିରେ ଗାଧୋଉଥିବା ଲୋକ ସୁସ୍ଥ ରହିଥାନ୍ତି।
