ନୂଆଦିଲ୍ଲୀ,୧୨।୫: ତିହାର ଜେଲ୍ରୁ ଆସୁଆସୁ ନିର୍ବାଚନୀ ମଇଦାନକୁ ଲମ୍ଫ ମାରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ। ଆଉ ପ୍ରଥମେ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ। ଉଠାଇଛନ୍ତି ଗୁରୁତ୍ୱପୂର୍ଣ୍ଣ ପ୍ରସଙ୍ଗ। ଯାହାକୁ ନେଇ ଏବେ ଜାତୀୟ ରାଜନୀତି ସରଗରମ ହୋଇଛି। ତାଙ୍କର ଏପରି ଟିପ୍ପଣୀରେ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ହେବାରେ ଲାଗିଛି। ସେ କହିଛନ୍ତି, ୨୦୨୫ ସେପ୍ଟେମ୍ବର ୨୫ରେ ମୋଦିଜୀଙ୍କୁ ୭୫ବର୍ଷ ହେବାକୁ ଯାଉଛି। ଏଭଳି ସ୍ଥିତିରେ ସେ ଅବସର ନେବେ କି?
ପୂର୍ବରୁ ଭାଜପା ଏକ ନିୟମ ଆଣିଥିଲା ଯେ, ଦଳର କୌଣସି ନେତାଙ୍କ ବୟସ ଯଦି ୭୫ବର୍ଷ ହେଉଛି ତେବେ ସେ ଆଉ ନିର୍ବାଚନ ଲଢି ପାରିବେ ନାହିଁ। ସେହି ନ୍ୟାୟରେ ଭାଜପାର ବରିଷ୍ଠ ନେତା ଲାଲକୃଷ୍ଣ ଆଡଭାନି, ମୁରଲୀ ମନୋହର ଯୋଶୀ, ସୁମିତ୍ରା ମହାଜନ, ଶିବରାଜ ସିଂହ ଚୌହାନ, ବସୁନ୍ଧରା ରାଜେ, ମନୋହର ଲାଲ ଖଟ୍ଟର ପ୍ରମୁଖଙ୍କୁ ଟିକେଟରୁ ବଞ୍ଚିତ କରାଯାଇଛି। ଏହି କ୍ରମରେ ମୋଦି ମଧ୍ୟ ଅବସର ନେଇପାରନ୍ତି। କାରଣ ଏବେ ପ୍ରଧାନମନ୍ତ୍ରୀ ମୋଦିଙ୍କ ବୟସ ୭୩। ଆଉ ଦୁଇ ବର୍ଷ ପରେ ତାଙ୍କ ବୟସ ୭୫ ହୋଇଯିବ । ଏହାପରେ ସେ ଆଉ ପ୍ରଧାନମନ୍ତ୍ରୀ ହୋଇପାରିବେ ନାହିଁ ତେବେ ତାଙ୍କ ସ୍ଥାନରେ ଗୃହମନ୍ତ୍ରୀ ଅମିତ ଶାହାଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ କରିବାକୁ ମୋଦଭୋଟ ମାଗୁଛନ୍ତି ବୋଲି କେଜରିଓ୍ବାଲ କହିଛନ୍ତି। ଏହାସହ ସେ ଆହୁରି କହିଛନ୍ତି ଯେ, ଭାଜପା ଯଦି ଇଣ୍ଡିଆ ମେଣ୍ଟର ପ୍ରଧାନମନ୍ତ୍ରୀ କିଏ ପଚାରୁଛି ତେବେ ଭାଜପାର ପ୍ରଧାନମନ୍ତ୍ରୀ କିଏ ହେବେ? ଯାହାକୁ କାଉଣ୍ଟର କରିଛନ୍ତି ଭାଜପା ସଭାପତି ଜେପି ନଡ୍ଡା ଓ ଗୃହମନ୍ତ୍ରୀ ଅମିତ ଶାହା ।
କେଜରିଓ୍ବାଲଙ୍କ ଏହି ଟିପ୍ପଣୀ ପରେ ଭାଜପା ପକ୍ଷରୁ ମଧ୍ୟ ଜୋରଦାର ଜବାବ ଦିଆଯାଇଛି। ଏନେଇ ଶାହା କହିଛନ୍ତି, ଭାଜପା ସମ୍ବିଧାନରେ ସେମିତି କିଛି ଲେଖା ନାହିଁ। ପ୍ରଧାନମନ୍ତ୍ରୀ ମୋଦି ହିଁ ଦେଶର ନେତୃତ୍ୱ ଜାରି ରଖିବେ। ମୋଦିଜୀ ୭୫ବର୍ଷରେ ପଦାର୍ପଣ କରିବା ନେଇ ଆପଣମାନଙ୍କୁ ଖୁସି ହେବାର ଆବଶ୍ୟକତା ନାହିଁ। ମୋଦିଜୀ ତାଙ୍କର ପୂର୍ଣ୍ଣାଙ୍ଗ କାର୍ଯ୍ୟକାଳ ଶେଷ କରିବେ। ୨୦୧୯ ପର୍ଯ୍ୟନ୍ତ ସେ ଦେଶର ନେତୃତ୍ୱ ନେବେ।
ସେହିପରି ଭାଜପା ଅଧ୍ୟକ୍ଷ ଜେପି ନଡ୍ଡା କହିଛନ୍ତି, ଚଳିତ ନିର୍ବାଚନରେ ଭାଜପା ଜିତିବା ନେଇ ଇଣ୍ଡିଆ ମେଣ୍ଟ ଜାଣି ସାରିଲାଣି। ସେଥିପାଇଁ ଏବେଠାରୁ ଭୟଭୀତ ହୋଇପଡିଛି। ସେଥିପାଇଁ ମୋଦିଜୀଙ୍କ ବୟସକୁ ନେଇ ଏଭଳି ଟିପ୍ପଣୀ ଦେବା ଆରମ୍ଭ କରିଛନ୍ତି। ଭାଜପା ସମ୍ବିଧାନର କୌଣସି ଜାଗାରେ ବୟସକୁ ନେଇ କିଛି ଉଲ୍ଲେଖ ନାହିଁ। ମୋଦିଜୀ ଆମ ନେତା ଏବଂ ସେ ଭବିଷ୍ୟରେ ମଧ୍ୟ ଆମର ନେତୃତ୍ୱ ନେବେ। ତେବେ ଭାଜପା ଏହି ନିୟମକୁ ଖଣ୍ଡନ କରିବାରୁ ବିରୋଧୀ ପାର୍ଟି ‘ଦୋଗଲାପଣ’ କହି ଆଖ୍ୟା ଦେଇଛନ୍ତି।
୨୦୧୯ ନିର୍ବାଚନୀ ପ୍ରଚାର ସମୟରେ ଖୋଦ୍ ଅମିତ ଶାହା ହିଁ କହିଥିଲେ, ୭୫ବର୍ଷ କିମ୍ବା ତା’ଠାରୁ ଅଧିକ କୌଣସି ବ୍ୟକ୍ତିଙ୍କୁ ଭାଜପା ଟିକେଟ୍ ଦେଇ ନାହିଁ। ଏହାଦଳର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଅଟେ। କିନ୍ତୁ ଏହାପରେ ବି ଦଳ ୭୦ବର୍ଷିୟ ଅନେକ ନେତାଙ୍କୁ ପ୍ରାର୍ଥୀ କରିଛି। ଯେପରି ୨୦୨୨ ଗୁଜୁରାଟ ନିର୍ବାଚନରେ ୭୬ବର୍ଷିୟ ଯୋଗେଶ ପଟେଲଙ୍କୁ ଦଳ ପ୍ରାର୍ଥୀ କରିଛି। କହିରଖୁଛୁ କି, ସେ ଦଳର ସବୁଠାରୁ ବୟସ୍କ ପ୍ରାର୍ଥୀ ଭାବେ ଟିକେଟ୍ ପାଇଥିଲେ। ସେହପରି ୨୦୨୩ ମଧ୍ୟ ପ୍ରଦେଶ ନିର୍ବାଚନରେ ୭୫ ବର୍ଷିୟ ଜଗନ୍ନାଥ ସିଂହଙ୍କୁ ରଘୁବଂଶୀଙ୍କୁ ଦଳ ପ୍ରାର୍ଥୀ କରିଛି।
I think it is a good idea to have those above 75 sit in Rajya Sabha. That is what it is meant for.. LT @asraghunath pic.twitter.com/LRd9TvKlVI
— Amit Malviya (मोदी का परिवार) (@amitmalviya) June 2, 2013
ଅପ୍ୟପଟେ ଏହାର ଓଲଟା ଚିତ୍ର ଦେଖିବାକୁ ମିଳିଥିଲା ୧୦୧୬ରେ। ଯେତେବେଳେ ଗୁଜୁରାଟ ମୁଖ୍ୟମନ୍ତ୍ରୀ ଆନନ୍ଦିବେନ ପଟେଲ ୨୦୧୬ରେ ୭୫ବର୍ଷରେ ପଦାର୍ପଣ କରିବାରୁ ଶୀର୍ଷ ପଦରୁ ଇସ୍ତଫା ଦେଇଥିଲେ।
ये दोनों वीडियो BJP के दोगले चरित्र को उजागर करने के लिए पर्याप्त है।
अमित शाह स्वयं कह रहे हैं “75 साल के ऊपर के लोगों को टिकट नही”
आनंदी बेन जी ने CM पद से इस्तीफ़ा भी दे दिया।
तो आख़िर मोदी इस्तीफ़ा क्यों नही देंगे? pic.twitter.com/x89zhozSjB— Sanjay Singh AAP (@SanjayAzadSln) May 11, 2024
୨୦୧୪ରେ ଯେତେବେଳେ ଭାଜପା ଦେଶରେ କ୍ଷମତାକୁ ଆସିବା ପାଇଁ ରଣନୀତି ପ୍ରସ୍ତୁତ କରୁଥିଲା। ସେତେବେଳେ ଏହାର ସବୁଠାରୁ ଅସ୍ତ୍ର ଥିଲେ ଯୁବପିଢି। କାରଣ ଦେଶର ଜନସଂଖ୍ୟାରେ ସର୍ବାଧିକ ଭାଗ ଯୁବପିଢିଙ୍କର ରହିଛି। ତେଣୁ ଯୁବପିଢିଙ୍କୁ ଆକର୍ଷିତ କରିବା ପାଇଁ ଭାଜପା ଦଳରେ ଏକ ନୂଆ ରଣନୀତି ପ୍ରସ୍ତୁତ କରିଥିଲା। ଯେଉଁଥିରେ ଦଳରୁ ସମସ୍ତ ୭୫ବର୍ଷିୟ କିମ୍ବା ଉର୍ଦ୍ଧ ଶୀର୍ଷ ନେତାଙ୍କୁ ଦଳରୁ ବିଦା କରିଥିଲା। ୨୦୦୯ରେ ରାଷ୍ଟ୍ରୀୟ ସ୍ବଂୟ ସେବକ ସଂଘ ଏନେଇ ସଙ୍କେତ ଦେଇ ସାରିଥିଲା। କିନ୍ତୁ ଦଳ ଭିତରେ ଏହି ନିଷ୍ପତ୍ତି ଝୁଲା ଅବସ୍ଥାରେ ଥିଲା।
Smt Anandiben Patel offered to step down as she turns 75. Sheila Dikshit is #Congress‘s CM nominee at 80! Standards one sets in public life!
— Amit Malviya (मोदी का परिवार) (@amitmalviya) August 1, 2016
ଆରଏସଏସ ସଂଘର ମୁଖ୍ୟ ମୋହନ ଭାଗଓ୍ବତ ନିଜ ଦାୟିତ୍ୱ ନେବା ସମୟରେ ଭାଜପାକୁ ସ୍ପଷ୍ଟ କରିଦେଇଥିଲେ କି, ସେମାନେ ନିଜ ନେତୃତ୍ୱ ବଦଳାନ୍ତୁ । ଏହି କ୍ରମରେ ୨୦୦୯ରେ ଲାଲକୃଷ୍ଣ ଆଡଭାନୀଙ୍କ ବଦଳରେ ସୁଷମା ସ୍ବରାଜଙ୍କୁ ଲୋକ ସଭାରେ ବିରୋଧୀ ଦଳ ନେତା ଭାବେ ଦାୟିତ୍ୱ ଦିଆଯାଇଥିଲା।
