ଲିଡ୍ସ,୨୪।୬: କେଏଲ ରାହୁଲ ଲିଡ୍ସରେ ଶତକ ହାସଲ କରିଥିଲେ। ସେ ଇଂଲଣ୍ଡ ପାଇଁ ଏକ ବଡ଼ ଲକ୍ଷ୍ୟ ସ୍ଥିର କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଲିଡ୍ସ ଟେଷ୍ଟରେ ଚତୁର୍ଥ ଦିନର ଖେଳ ପରେ, କେଏଲ ରାହୁଲ ଏକ ଚାଞ୍ଚଲ୍ୟକର ବୟାନ ଦେଇଛନ୍ତି। କେଏଲ ରାହୁଲ ସାମ୍ବାଦିକ ସମ୍ମିଳନୀ କରିଥିଲେ, ଯେଉଁଥିରେ ସେ ଏକ ପ୍ରଶ୍ନର ଉତ୍ତରରେ କିଛି କହିଥିଲେ ଯାହା ମନେ ହେଉଥିଲା ଯେ ଟାର୍ଗେଟ ଟିମ ଇଣ୍ଡିଆ ଥିଲା।
ରାହୁଲ କହିଥିଲେୟ, ଗତ କିଛି ବର୍ଷ ମଧ୍ୟରେ ସେ ତାଙ୍କ ସ୍ଥାନ ଭୁଲିଯାଇଛନ୍ତି। କେତେବେଳେ ତାଙ୍କୁ ଓପନିଂ କରିବାକୁ ପଠାଯାଉଥିଲା, କେତେବେଳେ ନମ୍ବର ୩, କେତେବେଳେ ନମ୍ବର ୫ ଏବଂ କେତେବେଳେ ଅନ୍ୟ କୌଣସି କ୍ରମରେ। କିନ୍ତୁ ତାଙ୍କୁ ଯେକୌଣସି ଦାୟିତ୍ୱ ଦିଆଯାଇଥିଲା ତାହା ସେ ପୂରଣ କରିଥିଲେ। ଏହା ତାଙ୍କୁ ନିଜକୁ ଚ୍ୟାଲେଞ୍ଜ କରିବାର ସୁଯୋଗ ମଧ୍ୟ ଦେଇଥିଲା। ସେ ସେହି ସୁଯୋଗଗୁଡ଼ିକୁ ପୂର୍ଣ୍ଣ ଭାବରେ ଉପଭୋଗ କରିଥିଲେ। ଏହି ପ୍ରସଙ୍ଗରେ ଭାରତୀୟ ଥିଙ୍କ ଟ୍ୟାଙ୍କର ଚିନ୍ତାଧାରାକୁ ରାହୁଲ ପ୍ରଶ୍ନ କରୁଥିବା ମନେ ହେଉଥିଲା।
କେଏଲ ରାହୁଲ ଲିଡ୍ସ ଟେଷ୍ଟର ଦ୍ୱିତୀୟ ଇନିଂସରେ ୨୪୭ ବଲ ସାମ୍ନା କରି ୧୩୭ ରନ କରିଛନ୍ତି। ତାଙ୍କର ଶତକ ଏକ ବଡ଼ ଭୂମିକା ଗ୍ରହଣ କରିଥିଲା। ଯାହା ଯୋଗୁ ଟିମ ଇଣ୍ଡିଆ ଇଂଲଣ୍ଡକୁ ୩୭୧ ରନ ଟାର୍ଗେଟ ଦେଇପାରିଥିଲା। ସେ କହିଥିଲେ, ମୋ ପାଇଁ ବହୁତ କିଛି ପରିବର୍ତ୍ତନ ହୋଇନାହିଁ, କେବଳ ଏବେ ମୁଁ ରନ କରୁଛି। ପୂର୍ବରୁ ମୁଁ ଆରମ୍ଭରେ ବଡ଼ ସ୍କୋର କରିପାରି ନ ଥିଲି। କିନ୍ତୁ ଏବେ ଅନେକ ଜିନିଷ ବଦଳି ଯାଇଛି। ଯେତେବେଳେ ବି ମୁଁ ଦେଶ ପାଇଁ ଖେଳିବାର ସୁଯୋଗ ପାଏ, ମୁଁ ମୋର ସର୍ବଶ୍ରେଷ୍ଠ ଦେବାକୁ ଚାହେଁ।
ସାମ୍ବାଦିକ ସମ୍ମିଳନୀ ସମୟରେ ଶେଷ ଦିନର ଖେଳ ବିଷୟରେ ରାହୁଲ କହିଥିଲେ,ଫଳାଫଳ ବାହାରିବ, ଏହା ଏକ ଆକର୍ଷଣୀୟ ଦିନ ହେବ, ଠିକ ଏକ ବ୍ଲକବଷ୍ଟର ଫିଲ୍ମ ପରି। ଉଇକେଟ ପ୍ରଥମ ଇନିଂସ ପରି ସହଜ ନୁହେଁ। ଆମେ ଯଥାସମ୍ଭବ ଚାପ ସୃଷ୍ଟି କରିବାକୁ ଚେଷ୍ଟା କରିବୁ।
