କେସିଙ୍ଗା,୪ା୨(ତୁମେଶ୍ଵର ସାହୁ): ଦିନକୁ ଦିନ ରାଜ୍ୟରେ ଦାଦନ ସମସ୍ୟା ବଢ଼ିବାରେ ଲାଗିଛି । ଦାଦନ ସମସ୍ୟା ବଲାଙ୍ଗୀର ଜିଲା ସମେତ କଳାହାଣ୍ଡି ଜିଲାରେ ମଧ୍ୟ ଦେଖିବାକୁ ମିଳିଛି। କଳାହାଣ୍ଡି ଜିଲା କେସିଙ୍ଗା ବ୍ଲକ ଅଧିନସ୍ଥ ଗୋକୁଲେଶ୍ୱର୍ ଓ କେରୋକୁଡ଼ା ଗ୍ରାମର ଦାଦନ ଶ୍ରମିକମାନେ ଦାଦନ ଖଟିବା ପାଇଁ କାଣ୍ଡେଲ ରୋଡ ଷ୍ଟେଶନରେ ଟ୍ରେନକୁ ଅପେକ୍ଷା କରି ରହିଥିବା ଦୃଶ୍ୟ ସାମ୍ନାକୁ ଆସିଛି ।
ବର୍ତ୍ତମାନ୍ ରବି ଋତୁ ପାଇଁ ସମୟ ଆସିଛି । ରାଜ୍ୟର ସମ୍ବଲପୁର, ବରଗଡ଼ ଜିଲାରେ ଧାନ ରୁଆ ପାଇଁ ଶ୍ରମିକର ଆବଶ୍ୟକତା ପଡୁଛି । ଦଲାଲ ମାଧ୍ୟମରେ ନିରୀହ ଗରିବ ଶ୍ରମିକଙ୍କୁ ପ୍ରଲୋଭନ ଦେଖାଇ ଦାଦନ ଖଟିବାକୁ ଦୈନିକ କାଣ୍ଡେଲ୍ ଓ କେସିଙ୍ଗା, କଣ୍ଟାବାଞ୍ଜି ରେଳ ଷ୍ଟଶନରେ ଦେଖିବାକୁ ମିଳୁଛି । ଶ୍ରମିକମାନେ ନିଜ ପରିବାରକୁୁ ସାଙ୍ଗରେ ନେଇ ଦାଦନ ଖଟିବାକୁ ଯାଉଛନ୍ତି । ଜିଲା ଶ୍ରମ ଅଧିକାରୀ ଏଥି ପ୍ରତି ଦୃଷ୍ଟି ଦେବା କଥା ବୋଲି ସାଧାରଣରେ ଦାବି ହେଉଛି । କିନ୍ତୁ ରାଜ୍ୟ ସରକାର ଦାଦନ ସମସ୍ୟାକୁ ରୋକିବାକୁ ଡିଣ୍ଡିମ ପିଟୁଥିବା ବେଳେ ଦୈନିକ ଦାଦନ ଖଟି ଯାଉଛନ୍ତି ।
କଳାହାଣ୍ଡି ଜିଲାର ଗୋଲାମୁଣ୍ଡା, କୋକସରା, ଜୟପାଟଣା, କେସିଙ୍ଗା, କାର୍ଲାମୁଣ୍ଡା, ଏମ.ରାମପୁର ଆଦି ବ୍ଲକରୁ କେସିଙ୍ଗା ରେଳ ଷ୍ଟେସନରୁ ରାଜ୍ୟ ବାହର ଯାଥା ବିଶାଖାାଟଣା, ହାଇଦ୍ରାବାଦ, ଦିଲ୍ଲୀ, କର୍ଣ୍ଣାଟକ, ଚେନ୍ନାଇ ଆଦି ବାହର ରାଜ୍ୟକୁ ଦାଦନ ଖଟି ଯାଇ ଶ୍ରମିକମାନେ ସୁରକ୍ଷିତ ଭାବେ ଘରକୁ ଫେରୁ ନାହାନ୍ତି । ଅନେକ ଶ୍ରମିକ ଦାଦନ ଖଟି ଦଲାଲଙ୍କ ଦ୍ଵାରା ଓ ମାଲିକମାନେ ନିର୍ଯାତନାର ଶିକାର ହେଉଛନ୍ତି । ଦାଦନ ଶ୍ରମିକମାନେ ବାହାର ରାଜ୍ୟରେ ସୁରକ୍ଷିତ ଭାବେ ରହି ପାରୁ ନାହାନ୍ତି । ଶ୍ରମିକମାନେ ନିର୍ଯାତନାର ଶିକାର ହୋଇ ମୃତ୍ୟୁମୁଖରେ ସମ୍ମୁଖୀନ ହେଉଛନ୍ତି । ଏଥି ପ୍ରତି ଜିଲା ଶ୍ରମ ବିଭାଗ ଦୃଷ୍ଟି ଦେବା ପାଇଁ ଜନସାଧାରଣରେ ଦାବି ହେଉଛି ।
