ହ୍ବାଟ୍ସଆପ୍ ଆପ୍ ପ୍ରତିବର୍ଷ ଅପରେଟିଂ ସିଷ୍ଟମ ପାଇଁ କିଛି ଫୋନ୍ରେ ସପୋର୍ଟ କରିବା ବନ୍ଦ କରିଦିଏ। ଯାହା ପରେ ହ୍ବାଟ୍ସଆପ୍ ଆପ ପୁରୁଣା ସିଷ୍ଟମରେ କାମ କରେ ନାହିଁ। ଗତ ବର୍ଷ ହ୍ବାଟ୍ସଆପ୍ ଆପ ୱିଣ୍ଡୋଜ ଏବଂ ବ୍ଲାକବେରୀ ଫୋନରେ ସପୋର୍ଟ ବନ୍ଦ କରିଦେଇଥିଲା ଏବଂ ନୂଆବର୍ଷ ୨୦୨୧ରେ ହ୍ବାଟ୍ସଆପ ଆପ ଅନେକ ଆଇଫୋନ ଏବଂ ଅନେକ ଆଣ୍ଡ୍ରଏଡ ଫୋନରେ କାମ କରିବ ନାହିଁ।
ନୂଆ ବର୍ଷର ଆରମ୍ଭ ସହିତ ହ୍ବାଟ୍ସଆପ ଆପ କିଛି ଡିଭାଇସ ପାଇଁ ସପୋର୍ଟ ବନ୍ଦ କରିବ। ରିପୋର୍ଟ ଅନୁଯାୟୀ, ନୂଆ ବର୍ଷରେ ହ୍ବାଟ୍ସଆପ ଆପ ଆଇଓଏସ ୯ ଏବଂ ଆଣ୍ଡ୍ରଏଡ ୪.୦.୩ରେ ଚାଲୁଥିବା ଫୋନରେ ଚାଲିବ ନାହିଁ। ସରଳ ଭାବରେ କହିବାକୁ ଗଲେ ହ୍ବାଟ୍ସଆପ ଆପ ଆଇଫୋନ ୪ ଏବଂ ଏହାପୂର୍ବର ଆଇଫୋନ୍ରେ ମଧ୍ୟ ହ୍ବାଟ୍ସଆପ କାମ କରିବ ନାହିଁ, କିନ୍ତୁ ଯଦି ଆପଣଙ୍କର ଆଇଫୋନ ୪ଏସ୍, ଆଇଫୋନ ୫, ଆଇଫୋନ ୫ ଏସ, ଆଇଫୋନ ୫ସି, ଆଇଫୋନ ୬ ଏବଂ ଆଇଫୋନ ୬ଏସ୍ ତେବେ ଆପଣ ହ୍ବାଟ୍ସଆପ ନିଜ ଫୋନରେ ଅପଡେଟ କରିପାରିବେ। ଆଇଓଏସ ପରି ଆଣ୍ଡ୍ରଏଡ ବିଷୟରେ କହିବାକୁ ଗଲେ, ଯେଉଁ ଫୋନରେ ଆଣ୍ଡ୍ରଏଡ୍ର ୪.୦.୩ ଭର୍ସନ ଅଛି, ନୂଆ ବର୍ଷରେ ହ୍ବାଟ୍ସଆପ ଆପ ବ୍ୟବହାର କରିପାରିବ ନାହିଁ। ଏହି ତାଲିକାରେ, HTC Desire, LG Optimus Black, Motorola Droid Razr ଏବଂ ସାମସଙ୍ଗ ଗାଲାକ୍ସି S2 ଭଳି ଫୋନର ନାମକରଣ କରାଯାଇଛି।
ଯଦି ଆପଣ ଜାଣିବାକୁ ଚାହାଁନ୍ତି ଆପଣଙ୍କ ଫୋନରେ କେଉଁ ଅପରେଟିଂ ସିଷ୍ଟମ ଅଛି ଏବଂ ଏହାର ଭର୍ସନ କ’ଣ, ତେବେ ଫୋନର ସେଟିଙ୍ଗକୁ ଯାଆନ୍ତୁ ଏବଂ ବିକଳ୍ପ ଉପରେ କ୍ଲିକ କରନ୍ତୁ। ଏଠାରେ ଆପଣ ସମ୍ପୂର୍ଣ୍ଣ ସୂଚନା ପାଇବ, ଯାହା ପରେ ତୁମେ ଜାଣିବ ନୂଆ ବର୍ଷରେ ହ୍ବାଟ୍ସଆପ ଆପ ଆପଣଙ୍କ ଫୋନରେ ଚାଲିବ କି ନାହିଁ ।
ନୂଆ ବର୍ଷରେ ହ୍ବାଟ୍ସଆପ ଆପ୍ରେ ଅନେକ ନୂଆ ଫିଚର୍ ଆସୁଛି। ଅପଡେଟ ପରେ ଏହା ଆପଣଙ୍କ ଫୋନ୍ରେ ଉପଲବ୍ଧ ହେବ। ଅପଡେଟ୍ ହେବାପରେ ଆପଣ ଗୋଟିଏ ଚାଟରେ ଏକାସାଙ୍ଗରେ ଅନେକ ଫଟୋ ଏବଂ ଭିଡିଓ କପି କରି ଅନ୍ୟ ଏକ ଚାଟ୍ରେ ପେଷ୍ଟ କରିପାରିବେ।
