ନୂଆଦିଲ୍ଲୀ: ଲୋକପ୍ରିୟ ଚାଟ୍ ଆପ୍ ନିକଟରେ ଭାରତରେ ପେମେଣ୍ଟ ସେବା ଉପଲବ୍ଧ କରାଇଛି। ଆଇସିଆଇସିଆଇ ବ୍ୟାଙ୍କ, ଆକ୍ସିସ ବ୍ୟାଙ୍କ ଏବଂ ଏଚ୍ଡିଏଫ୍ସି ବ୍ୟାଙ୍କ ସହ ସହଭାଗିତାରେ ହ୍ବାଟ୍ସଆପ୍ ନିଜର ପେମେଣ୍ଟ ସେବାକୁ ଆରମ୍ଭ କରାଇଛି। ଏହି ୪ ବ୍ୟାଙ୍କର ଗ୍ରାହକ ହ୍ବାଟ୍ସଆପ୍ ସହାୟତାରେ ଟଙ୍କା ପଠାଇପାରିବେ। ପେମେଣ୍ଟ ସେବା ଆରମ୍ଭ କରିବା ପରେ ଏହି କମ୍ପାନୀ ଏବେ ସ୍ବାସ୍ଥ୍ୟ ବୀମା ପଲିସି ବିକ୍ରି କରିବାକୁ ଯୋଜନା ରଖିଛି। ଏ ନେଇ କମ୍ପାନୀ ପ୍ରସ୍ତୁତି ଆରମ୍ଭ କରି ସାରିଛି। ହ୍ବାଟ୍ସଆପ୍ ଇଣ୍ଡିଆର ମୁଖ୍ୟ ଅଭିଜିତ ବୋଷ କହିଛନ୍ତି, ଚଳିତ ମାସ ଶେଷ ପର୍ଯ୍ୟନ୍ତ ହ୍ବାଟ୍ସଆପ ପ୍ଲାଟ୍ଫର୍ମରେ ସ୍ବାସ୍ଥ୍ୟ ବୀମା ବିକ୍ରି ସୁବିଧାକୁ ଆରମ୍ଭ କରିବା ଯୋଜନା ରହିଛି। ମାଇକ୍ରୋ ଇନ୍ସ୍ୟୁରାନ୍ସ, ପେନ୍ସନ ସର୍ଭିସେସ୍ ସେବା ମଧ୍ୟ ଯୋଗାଇଦେବା ଲାଗି ବୀମା କମ୍ପାନୀଙ୍କ ସହ ଆଲୋଚନା ଜାରି ରହିଛି। ଏଥିଲାଗି ହ୍ବାଟ୍ସଆପ୍ ଆପ୍ଲିକେଶନ ପ୍ରୋଗ୍ରାମିଂ ଇଣ୍ଟରଫେସର ବ୍ୟବହାର କରାଯିବ। ହେଲ୍ଥ ଇନ୍ସ୍ୟୁରାନ୍ସ ସେବା ଯୋଗାଣ ଲାଗି ହ୍ବାଟ୍ସଆପ୍ ଏସ୍ବିଆଇ ଜେନେରାଲ ଇନ୍ସ୍ୟୁରାନ୍ସ ସହ ଚୁକ୍ତିରେ ସାମିଲ ହୋଇଛି। ଅବସର ପରବର୍ତ୍ତୀ ପେନ୍ସନ ପ୍ରଡକ୍ଟ ଲାଗି କମ୍ପାନୀ ଏଚ୍ଡିଏଫ୍ସି ପେନ୍ସନ ପିନ୍ବକ୍ସ ସଲ୍ୟୁଶନ ସହ ଆଲୋଚନା ଜାରି ରଖିଛି। ସେହିଭଳି ଆଗାମୀ ଦିନରେ ନିଜ ପ୍ଲାଟ୍ଫର୍ମରେ ଟେକ୍ନୋଲୋଜି ଏବଂ ଏଗ୍ରିକଲଚର ଟେକ୍ନୋଲୋଜି ଦ୍ୱାରା ୪୦ କୋଟି ୟୁଜରଙ୍କ ନିକଟରେ ପହଞ୍ଚିବାକୁ କମ୍ପାନୀ ଯୋଜନା ରଖିଛି।
