ମୁମ୍ବାଇ,୨୮।୫: ବଲିଉଡ ଅଭିନେତ୍ରୀ ଉର୍ବଶୀ ରାଉତେଲା ଆଜିକାଲି ଶିରୋନାମାରେ ଅଛନ୍ତି। କାନ୍ସରେ ତାଙ୍କ ଲୁକ ସହିତ ଉର୍ବଶୀ ସମସ୍ତଙ୍କ ହୃଦୟ ଜିତିଛନ୍ତି। ତାଙ୍କର କାନ୍ସ ଲୁକ ସମସ୍ତଙ୍କଠାରୁ ଖୁବ ଭିନ୍ନ ଥିଲା। ସେ ସୋସିଆଲ ମିଡିଆରେ ତାଙ୍କର ପ୍ରତ୍ୟେକ ଲୁକର ଫଟୋ ମଧ୍ୟ ଶେୟାର କରିଛନ୍ତି। ଉର୍ବଶୀ ଡିଜାଇନର ମନୀଷ ବୈଦ୍ୟଙ୍କ ସହ ରେଡ କାର୍ପେଟରେ ଚାଲିଥିଲେ। ବିରାଟ କୋହଲିଙ୍କ ସହ ମନୀଷଙ୍କର ଏକ ବିଶେଷ ସମ୍ପର୍କ ଅଛି।
ଉର୍ବଶୀ ରାଉତେଲା କଳା ଗାଉନ ପିନ୍ଧି ମନୀଷ ବୈଦ୍ୟଙ୍କ ସହ ରେଡ କାର୍ପେଟରେ ଚାଲିଥିଲେ। ଦୁଇଜଣଙ୍କ ଏକାଠି ଚାଲିବାର ଭିଡିଓ ଭାଇରାଲ ହୋଇଥିଲା। ଏବେ ସମସ୍ତେ ପଚାରୁଛନ୍ତି ଯେ ମନୀଷ କିଏ।
ମନୀଷ ବୈଦ୍ୟ ଜଣେ ପ୍ୟାରିସ-ଭିତ୍ତିକ ଡିଜାଇନର ଯିଏ ୨୦୧୪ ରେ ଲସ ଆଞ୍ଜେଲସରେ ଫ୍ୟାଶନରେ ତାଙ୍କର କ୍ୟାରିଅର ଆରମ୍ଭ କରିଥିଲେ। ତାଙ୍କ ନାମରେ ଅନେକ ଫ୍ୟାଶନ ସପ୍ତାହ ବ୍ୟତୀତ, ସେ ୨୦୧୯ ରେ ଡେଟାଇମ ଏମିସ ରେ ଡିଜାଇନର୍ସ ଲାଉଞ୍ଜର ଅଂଶ ଥିଲେ। ସେ ମିସେସ ୱାଲର୍ଡରେ ଜୁରି ସଦସ୍ୟ ଏବଂ ମିସ ୱାଲର୍ଡ ଆମେରିକା ୨୦୨୩ର ଅଫିସିଆଲ ଡିଜାଇନର୍ ଥିଲେ। ମନୀଷ ନାଗପୁରରୁ ଆସିଛନ୍ତି। ମେକାନିକାଲ ଇଞ୍ଜିନିୟରିଂରେ ଡିଗ୍ରୀ ସହିତ, ତାଙ୍କର ଡିଜାଇନ ଆଡାମ ସାଣ୍ଡଲର୍ ଏବଂ ଜେନିଫର ଆନିଷ୍ଟନଙ୍କ ସହିତ ମର୍ଡର ମିଷ୍ଟ୍ରି ୨ଫିଲ୍ମରେ ମଧ୍ୟ ପ୍ରଦର୍ଶିତ ହୋଇଥିଲା।
ବିରାଟ କୋହଲିଙ୍କ ସହ ସମ୍ପର୍କ
ବିରାଟ କୋହଲି ଇନଷ୍ଟାଗ୍ରାମରେ ବହୁତ କମ ଲୋକଙ୍କୁ ଫଲୋ କରନ୍ତି। ସେ ମୋଟ ୨୭୮ ଜଣଙ୍କୁ ଫଲୋ କରନ୍ତି। ସେମାନଙ୍କ ମଧ୍ୟରୁ ଜଣେ ହେଉଛନ୍ତି ମନୀଷ ବୈଦ୍ୟ। ଯଦି ବିରାଟ ମନୀଷଙ୍କୁ ଫଲୋ କରନ୍ତି, ତେବେ ତାଙ୍କର ତାଙ୍କ ସହିତ କିଛି ସମ୍ପର୍କ ନିଶ୍ଚୟ ଅଛି। ତେଣୁ ମନୀଷଙ୍କର ବିରାଟଙ୍କ ସହ ଭିନ୍ନ ସମ୍ପର୍କ ଥିବା ବେଳେ ଅବଶ୍ୟ ଏଥିରେ ଉର୍ବଶୀଙ୍କର କୌଣସି ଭୂମିକା ନାହିଁ। ହେଲେ କାନ୍ସରେ ମନୀଷଙ୍କ ସହ ଉର୍ବଶୀଙ୍କୁ ଦେଖିବା ପରେ ଏଥିରେ କେମିତି କେଜାଣି ବିରାଟଙ୍କର ଏଣ୍ଟ୍ରି ହୋଇଛି। ହେଲେ ଏମାନଙ୍କ ମଧ୍ୟରେ ସେମିତି କିଛି ସମ୍ପର୍କ ନାହିଁ।
ଉର୍ବଶୀ ରାଉତେଲା ଏହି କଳା ପୋଷାକ ପାଇଁ ସୋସିଆଲ ମିଡିଆରେ ଟ୍ରେଣ୍ଡ କରୁଛନ୍ତି। ତାଙ୍କ ପୋଷାକ ଚିରି ଯାଇଥିଲା। ଏହା ପରେ ତାଙ୍କୁ ବହୁତ ଟ୍ରୋଲ କରାଯାଇଥିଲା କିନ୍ତୁ ଏବେ ସେ ଡ୍ରେସ ଚିରିଯିବାର କାରଣ ମଧ୍ୟ କହିଛନ୍ତି। ସେ କହିଛନ୍ତି ଯେ ଜଣେ ୭୦ ବର୍ଷୀୟା ମହିଳାଙ୍କୁ ବଞ୍ଚାଇବା ସମୟରେ ତାଙ୍କ ଡ୍ରେସ ଚିରି ଯାଇଥିଲା ଏବଂ ତାଙ୍କର ଏଥିରେ କୌଣସି ସମସ୍ୟା ନାହିଁ।
