ନୂଆଦିଲ୍ଲୀ,୧୮ା୭: ୱାର୍ଲ୍ଡ ଚାମ୍ପିଅନସିପ୍ ଅଫ୍ ଲିଜେଣ୍ଡସ୍ ୨୦୨୫: ୱେଷ୍ଟଇଣ୍ଡିଜ୍ ଚାମ୍ପିଅନସ୍ ପିନ୍ଧିବେ କ୍ରିକେଟ୍ ଇତିହାସର ସବୁଠୁ ମହଙ୍ଗା ଜର୍ସିୱାର୍ଲ୍ଡ ଚାମ୍ପିଅନସିପ୍ ଅଫ୍ ଲିଜେଣ୍ଡସ୍ ୨୦୨୫ ଟୁର୍ନାମେଣ୍ଟ ଶୁକ୍ରବାର, ୧୮ ଜୁଲାଇରୁ ଆରମ୍ଭ ହେଉଛି। ଏହି ଟୁର୍ନାମେଣ୍ଟରେ ଇଣ୍ଡିଆ ଚାମ୍ପିଅନସ୍, ୱେଷ୍ଟଇଣ୍ଡିଜ୍ ଚାମ୍ପିଅନସ୍, ଦକ୍ଷିଣ ଆଫ୍ରିକା ଚାମ୍ପିଅନସ୍, ପାକିସ୍ତାନ ଚାମ୍ପିଅନସ୍, ଅଷ୍ଟ୍ରେଲିଆ ଚାମ୍ପିଅନସ୍ ଏବଂ ଇଂଲଣ୍ଡ ଚାମ୍ପିଅନସ୍ ପରସ୍ପରକୁ କଡ଼ା ଟକ୍କର ଦେବେ। ତେବେ ଟୁର୍ନାମେଣ୍ଟ ଆରମ୍ଭ ହେବା ପୂର୍ବରୁ ଏକ ବଡ଼ ଖବର ସାମ୍ନାକୁ ଆସିଛି। ୱେଷ୍ଟଇଣ୍ଡିଜ୍ ଚାମ୍ପିଅନସ୍ କ୍ରିକେଟ୍ ଇତିହାସର ସବୁଠୁ ମହଙ୍ଗା ଜର୍ସି ପିନ୍ଧିବେ। ଏହି ଜର୍ସି ୩୦ ଗ୍ରାମ ସୁନାରେ ନିର୍ମିତ।
ୱେଷ୍ଟଇଣ୍ଡିଜ୍ର ମହଙ୍ଗା ଜର୍ସିର ମୂଲ୍ୟ ଏପର୍ଯ୍ୟନ୍ତ ଜଣାପଡ଼ିନାହିଁ, କିନ୍ତୁ ଏହାକୁ ଦୁବାଇର ଲରେନ୍ସ ଗ୍ରୁପ୍ ଚ୍ୟାନେଲ୍୨ ଗ୍ରୁପ୍ ସହ ମିଳିତ ଭାବେ ତିଆରି କରିଛି। ଏହି ଟୁର୍ନାମେଣ୍ଟରେ ୱେଷ୍ଟଇଣ୍ଡିଜ୍ ଟିମ୍ର ଅନେକ ଦମଦାର ଖେଳାଳି ଏହି ଜର୍ସି ପିନ୍ଧି ମୈଦାନକୁ ଓହ୍ଲାଇବେ। ଏହି ଜର୍ସିକୁ କ୍ରିସ୍ ଗେଲ୍, କାୟରନ୍ ପୋଲାର୍ଡ ଏବଂ ଡ୍ୱେନ୍ ବ୍ରାଭୋ ଲଞ୍ଚ କରିଛନ୍ତି।
ଟୁର୍ନାମେଣ୍ଟରେ ଦିଗ୍ଗଜ ଖେଳାଳିଙ୍କ ପ୍ରଦର୍ଶନ
ୱାର୍ଲ୍ଡ ଚାମ୍ପିଅନସିପ୍ ଅଫ୍ ଲିଜେଣ୍ଡସ୍ ୨୦୨୫ରେ ଅନେକ ଦିଗ୍ଗଜ ଖେଳାଳିଙ୍କଠାରୁ ଦମଦାର ପ୍ରଦର୍ଶନର ଆଶା ରହିଛି। ଏଥିରେ କେବଳ ସେହି ଖେଳାଳି ଅଂଶଗ୍ରହଣ କରୁଛନ୍ତି, ଯେଉଁମାନେ ଆନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି। ୱେଷ୍ଟଇଣ୍ଡିଜ୍ ଟିମ୍ର ଅଧିନାୟକତ୍ୱ କ୍ରିସ୍ ଗେଲ୍ଙ୍କୁ ଦିଆଯାଇଛି। ଏହା ସହ ଟିମ୍ରେ ଅନେକ ଆକ୍ରମଣାତ୍ମକ ବ୍ୟାଟସମ୍ୟାନ୍ ଏବଂ ଘାତକ ବୋଲର ମଧ୍ୟ ସାମିଲ ଅଛନ୍ତି।
ଭାରତୀୟ ପ୍ରଶଂସକମାନେ ଏହି ମ୍ୟାଚ୍ଗୁଡ଼ିକୁ ଷ୍ଟାର ସ୍ପୋର୍ଟସ୍ ଏବଂ ଫ୍ୟାନକୋଡ ଆପ୍ରେ ସିଧାସଳଖ ଦେଖିପାରିବେ।
