ଖଡ଼ିଆଳ/ନୂଆପଡା, ୧୮।୫ (ସୁଜିତ କୁମାର ପ୍ରଧାନ / ମକାରୁ ବେମାଲ ): ନୂଆପଡା ଜିଲା ଖଡ଼ିଆଳ ଜେଏମଏଫସି କୋର୍ଟ ଦୋଷୀ ସାବ୍ୟସ୍ତ କରି ତିନି ଜଣ ବ୍ୟକ୍ତିଙ୍କୁ ତିନି ବର୍ଷକାଳ ସଶ୍ରମ କାରାଦଣ୍ଡ ଓ ଏକ ହଜାର ଟଙ୍କା ଲେଖାଏ ଜରିମାନା ନିର୍ଦ୍ଦେଶ ଦେଇ ରାୟରେ ଶୁଣାଛନ୍ତି । ୨୦୨୪ ରେ ନଭେମ୍ବର ୧୮ ରେ ଖଡ଼ିଆଳ ବ୍ଲକ ବାଦୀଗ୍ରାମକୁ ମୁରତାଜ ଅଲ୍ଲୀ କପଡା ବିକ୍ରି କରିବାକୁ ଯାଇଥିବା ବେଳେ ରାଜା ଦୁରିଆ, ପଦ୍ମନ ପଟେଲ, ସଞ୍ଜୟ ପଟେଲ ତିନି ଜଣ ଯୁବକ ଛୁରି ଦେଖାଇ ମାଡ଼ମାରି ଅଲ୍ଲୀଙ୍କ ଠାରୁ ହିରୋ ହୋଣ୍ଡା ମୋଟର ସାଇକେଲ ଓ ବିକ୍ରି କରିବାକୁ ନେଇଥିବା ସମସ୍ତ କପଡା ନେଇ ଯାଇଥିଲେ। ଏନେଇ ଖଡ଼ିଆଳ ଥାନା କେଶ ନଂ ୪୧୦/୨୪, ଇଉ/ଏସ ୩୦୯ (୪) ରେ ଏକ ମାମଲା ରୁଜୁ ହୋଇ କୋର୍ଟ ରେ ବିଚାରାଧିନ ଥିଲା। ଶନିବାର ଜେ ଏମ ଏଫ ସି କୋର୍ଟ ଆଠ ଜଣ ସାକ୍ଷୀଙ୍କ ବୟାନକୁ ନେଇ ରାୟ ଶୁଣାଇଛନ୍ତି। ସମ୍ପୃକ୍ତ ତିନିଜଣ ଦୋଷୀଙ୍କୁ ତିନି ବର୍ଷ ସଶ୍ରମ କାରାଦଣ୍ଡ ଦେବା ସହିତ ଏକ ହଜାର ଟଙ୍କା ଜରିମାନା ଆଦେଶ କରିଛନ୍ତି। ମାମଲା ପରିଚାଳନା କରିଥିଲେ ସରକାରୀ ଓକିଲ ଅକମଲ ସରିଫ।
