ହାଇଦ୍ରାବାଦ୍,୨୬।୪: ଆଇପିଏଲ ୨୦୨୪ର ୪୧ତମ ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡଛି। ବେଙ୍ଗାଲୁରୁ ନିଜ ଘରେ ହାଇଦ୍ରାବାଦକୁ ୩୫ ରନରେ ପରାସ୍ତ କରିଛି। ଆରସିବି ବିପକ୍ଷରେ ଏହି ପରାଜୟ ପରେ ହାଇଦ୍ରାବାଦ ଅଧିନାୟକ ପ୍ୟାଟ କମିନ୍ସ କହିଛନ୍ତି, ଏହା ଟି -୨୦ କ୍ରିକେଟ ଏବଂ ଆପଣ ପ୍ରତ୍ୟେକ ମ୍ୟାଚ ଜିତି ପାରିବେ ନାହିଁ। ଏହି ସିଜନରେ ହାଇଦ୍ରାବାଦର ତୃତୀୟ ପରାଜୟ ଥିଲା।
ଆରସିବି ବିପକ୍ଷ ମ୍ୟାଚ ହାରିଯିବା ପରେ ହାଇଦ୍ରାବାଦ ଅଧିନାୟକ ପ୍ୟାଟ କମିନ୍ସ କହିଛନ୍ତି, ଆଜିର ମ୍ୟାଚ୍ ସପକ୍ଷରେ ନ ଥିଲା। ମଝିରେ ଉଇକେଟ୍ ହରାଇବାରୁ ଆମେ ମ୍ୟାଚ୍ରେ ପଛରେ ପଡିଯାଇଥିଲୁ। ସମସ୍ତେ ଭଲ ପ୍ରଦର୍ଶନ କରୁଛନ୍ତି, ଏହା ଟି-୨୦ କ୍ରିକେଟ, ଆପଣ ପ୍ରତ୍ୟେକ ମ୍ୟାଚ ଜିତି ପାରିବେ ନାହିଁ। ଏଥି ପ୍ରତି ଅଧିକ ଧ୍ୟାନ ଦିଅନ୍ତୁ ନାହିଁ।
ସୂଚନାଯୋଗ୍ୟ, ଚଳିତ ଆଇପିଏଲ୍ ପାଇଁ ପାଟ କମିନ୍ସଙ୍କୁ ହାଇଦ୍ରାବାଦ୍ ୨୦.୫୦ କୋଟି ଟଙ୍କାରେ କିଣିଥିଲା।
