ଭୁବନେଶ୍ୱର,୨୧।୧: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ଫକ୍ସୱାଗନ୍ ପାସେଞ୍ଜର କାର୍ସ ଇଣ୍ଡିଆର ସ୍ବୀକୃତିପ୍ରାପ୍ତ ଡିଲର ଓଏସ୍ଏଲ୍ ଆନୁକୂଲ୍ୟରେ ସ୍ଥାନୀୟ ପାହାଳଠାରେ ନୂତନ ସେଲ୍ସ ଟଚ୍ ପଏଣ୍ଟ ଏବଂ ଏପରିକି ଭାଣପୁରଠାରେ ସର୍ଭିସ ଟଚ୍ ପଏଣ୍ଟର ଶୁଭାରମ୍ଭ କରାଯାଇଛି। ଏହି ଅବସରରେ ଫକ୍ସୱାଗନ୍ ପାସେଞ୍ଜର କାର୍ସ ଇଣ୍ଡିଆର ବ୍ରାଣ୍ଡ୍ ଡାଇରେକ୍ଟର ଆଶିଷ ଗୁପ୍ତା ସମ୍ମାନିତ ଅତିଥି ଭାବେ ଯୋଗଦେଇ ଉଭୟ ସେଣ୍ଟରର ଉଦ୍ଘାଟନ କରି କହିଥିଲେ, ‘ଆମେ ଭୁବନେଶ୍ୱରଠାରେ ଏକ ନୂଆ ସେଲ୍ସ ଓ ସର୍ଭିସ୍ ଟଚ୍ ପଏଣ୍ଟର ଶୁଭାରମ୍ଭ କରି ବେଶ୍ ଆନନ୍ଦିତ। ଏଠାରେ ଆମେ ଜର୍ମାନୀ ନିର୍ମିତ ପ୍ରଡକ୍ଟ ପୋର୍ଟଫୋଲିଓର ଶୁଭାରମ୍ଭ କରିଛୁ, ଯାହା ଆମର ଆକାଂକ୍ଷୀ ଗ୍ରାହକଙ୍କୁ ଏକ ସୁରକ୍ଷିତ, ଚଳାଇବା ପାଇଁ ମଜାଦାର ଓ ଶକ୍ତିଶାଳୀ ଯାତାୟାତ ସମାଧାନଗୁଡ଼ିକ ମଧ୍ୟରୁ ଚୟନ କରିବା ପାଇଁ ସକ୍ଷମ କରୁଛି। ଏହି ଟଚ୍ପଏଣ୍ଟ ସହିତ ଆମେ ବିଶ୍ୱସ୍ତରୀୟ ଜର୍ମାନୀ ନିର୍ମିତ ଉପତ୍ାଦ ଓ ସେବା ଏବଂ ଏହି ଅଞ୍ଚଳରେ ଆମର ଗ୍ରାହକଙ୍କୁ ଏକ ଚମତ୍କାର ଅନୁଭୂତି ପ୍ରଦାନ କରିବା ଦିଗରେ ପ୍ରତିବଦ୍ଧ ରହିଛୁ। ସେହିଭଳି ଓଏସ୍ଏଲ୍ ଗ୍ରୁପ୍ର ନିର୍ଦ୍ଦେଶକ ଓ ଫକ୍ସୱାଗନ୍ ଭୁବନେଶ୍ୱରର ଡିଲର ପାର୍ଟନର ଚର୍ଚ୍ଚିତ ମିଶ୍ର କହିଛନ୍ତି, ଆମେ ଓଡ଼ିଶାରେ ଫକ୍ସୱାଗନ ଇଣ୍ଡିଆ ସହ ସହଭାଗିତା କରି ଅତ୍ୟଧିକ ଖୁସି ଅନୁଭବ କରୁଛୁ। ଏହି ନୂଆ ଟଚ୍ ପଏଣ୍ଟର ଉଦ୍ଘାଟନ ସହ ଆମେ ଭୁବନେଶ୍ୱରରେ ବିଶ୍ୱବ୍ୟାପୀ ଲୋକପ୍ରିୟ ଫକ୍ସୱାଗନ୍ ଉପତ୍ାଦ ଓ ଗ୍ରାହକ ଅନୁଭୂତି ପ୍ରଦାନ କରି ବ୍ରାଣ୍ଡ୍କୁ ଅଧିକ ପହଞ୍ଚଯୋଗ୍ୟ କରିବାକୁ ଲକ୍ଷ୍ୟ ରଖିଛୁ। ବିଶେଷକରି ଭୁବନେଶ୍ୱରଠାରେ ଫକ୍ସୱାଗନ୍ ସେଲ୍ସ ଓ ସର୍ଭିସ୍ ଟଚ୍ପଏଣ୍ଟର ଶୁଭାରମ୍ଭ ସହ ବ୍ରାଣ୍ଡ୍ ଆକାଂକ୍ଷୀ ଭାରତୀୟ ଗ୍ରାହକଙ୍କ ପାଇଁ ବିଶ୍ୱସ୍ତରୀୟ ଜର୍ମାନୀ ନିର୍ମିତ ଉପତ୍ାଦ ଓ ସେବାଗୁଡ଼ିକୁ ଉପସ୍ଥାପନ କରୁଛି। ଉକ୍ତ ଶୋ’ରୁମ୍ରେ ୬-କାର୍ ଡିସ୍ପ୍ଲେ ଅଞ୍ଚଳରେ ଫକ୍ସୱାଗନ୍ର ଭାରତର ସବୁଠାରୁ ସୁରକ୍ଷିତ ଏସ୍ୟୁଭିଡବ୍ଲ୍ୟୁ-ଟାଇଗୁନ୍, ଆକର୍ଷଣୀୟ ଭର୍ଚ୍ୟୁସ୍ ଓ ଗ୍ଲୋବାଲ ବେଷ୍ଟ୍-ସେଲର୍ ଟିଗୁଆନ୍କୁ ପ୍ରଦର୍ଶିତ କରାଯିବ। ଏହି ୨ଏସ୍ ଫ୍ୟାସିଲିଟି ଏହାର ବିସ୍ତୃତ ୧୯-ବେ’ ୱାର୍କଶପ୍ ମାଧ୍ୟମରେ ଏକାଧିକ ବିକ୍ରି ପରବର୍ତ୍ତୀ ସେବା ପ୍ରଦାନ କରୁଛି, ଯାହାକୁ ଦକ୍ଷ ଓ ପ୍ରଶିକ୍ଷିତ ଟେକ୍ନିସିଆନ୍ମାନେ ପରିଚାଳନା କରୁଛନ୍ତି। ଉଲ୍ଲେଖଯୋଗ୍ୟ, ଫକ୍ସୱାଗନ୍ର ନେଟ୍ୱର୍କ ଶକ୍ତି ଭାରତର ୧୧୯ ସହରରେ ୧୫୯ ସେଲ୍ସ ଓ ୧୨୬ ସର୍ଭିସ୍ ଟଚ୍ ପଏଣ୍ଟକୁ ବୃଦ୍ଧି ପାଇଛି।
