ନୂଆଦିଲ୍ଲୀ,୧୨।୧୨: ୨୦୨୩ ବର୍ଷ ଶେଷ ହେବାକୁ ଯାଉଛି। ଚଳିତବର୍ଷରେ ଗୁଗଲ୍ରେ ସର୍ବାଧିକ ଆଲୋଚନା ହୋଇଥିବା ବିଷୟକୁ ନେଇ ଏକ ଭିଡିଓ ପ୍ରସ୍ତୁତ କରିଛି। ଏହି ଭିଡିଓରେ ଏକମାତ୍ର କ୍ରିକେଟର୍ ଭାବେ ବିରାଟ କୋହଲି ସାମିଲ ହୋଇଛନ୍ତି।
ଗୁଗଲ୍ ଏହି ଭିଡିଓରେ ବିଭିନ୍ନ ବର୍ଗରେ ସର୍ବାଧିକ ଖୋଜା ଯାଇଥିବା ସୁପରଷ୍ଟାରଙ୍କ ଝଲକ ଦେଖାଇଛି। ଏହି ଭିଡିଓରେ କେବଳ ବିରାଟ କୋହଲି ସର୍ବାଧିକ ସର୍ବାଧିକ ସର୍ଚ୍ଚ କରାଯାଇଥିବା କ୍ରିକେଟର ତାଲିକାରେ ସାମିଲ ହୋଇଥିଲେ। ଏହି ଭିଡିଓରେ ବିରାଟ କୋହଲିଙ୍କ ଆଇପିଏଲରେ ଆରସିବି ପାଇଁ ଶତକ ପୂରଣ କରିଥିବା ସଟ ଦେଖାଯାଇଛି।
୩୫ ବର୍ଷୀୟ ବିରାଟ କୋହଲି ତାଙ୍କ କ୍ୟାରିୟରରେ ଅନେକ ସଫଳତା ହାସଲ କରିଛନ୍ତି ଏବଂ ୨୦୨୩ ବର୍ଷ ତାଙ୍କ ପାଇଁ ବହୁତ ଭଲ ବୋଲି ପ୍ରମାଣିତ ହୋଇଛି। କାରଣ ସେ ୨୦୧୯ରୁ ୨୦୨୨ ପର୍ଯ୍ୟନ୍ତ କ୍ୟାରିୟରର ସବୁଠାରୁ ଖରାପ ପର୍ଯ୍ୟାୟ ଦେଇ ଗତି କରୁଥିଲେ, କିନ୍ତୁ ୨୦୨୨ ଟି-୨୦ ଏସିଆ ପରେ କପରେ ଆଫଗାନିସ୍ତାନ ବିପକ୍ଷ ମ୍ୟାଚ ସମୟରେ ବିରାଟ କୋହଲି ଶତକର ମରୁଡ଼ିକୁ ଶେଷ କରି ଫର୍ମକୁ ଫେରିଥିଲେ ଏବଂ ଏହା ପରେ ମଧ୍ୟ ଥରେ ପଛକୁ ଚାହିଁ ନ ଥିଲେ। ବିରାଟ ବିଶ୍ୱକପରେ ସଚିନଙ୍କ ମହାନ ରେକର୍ଡ ଭାଙ୍ଗିଛନ୍ତି
ବିଶ୍ୱକପ୍ର ଗୋଟିଏ ସିଜନରେ ସର୍ବାଧିକ ରନ ସ୍କୋର କରିବାର ସଚିନ ତେନ୍ଦୁଲକରଙ୍କ ରେକର୍ଡକୁ ପଛରେ ପକାଇ ବିରାଟ ୧୧ଟି ମ୍ୟାଚରେ ୭୬୫ ରନ ସଂଗ୍ରହ କରିଥିଲେ। ବିଶ୍ୱକପ୍ରେ ସେମିଫାଇନାଲରେ ବିରାଟ କୋହଲି ୪୯ ଶତକ ସହ ଦିନିକିଆ ଫର୍ମାଟରେ ସର୍ବାଧିକ ଶତକ ହାସଲ କରିବାର ରେକର୍ଡ ଭାଙ୍ଗିଥିଲେ ଏବଂ ୫୦ଟି ଦିନିକିଆ ଶତକ ହାସଲ କରିବାରେ ବିଶ୍ୱର ପ୍ରଥମ କ୍ରିକେଟର ହୋଇଥିଲେ।
https://twitter.com/mufaddal_vohra/status/173441585114165703
