ଅନୁଗୋଳ,୧୧।୨: ସରକାରୀ ଅର୍ଥ ଆତ୍ମସାତ ଅଭିଯୋଗରେ ବୁଧବାର ଅନୁଗୋଳ ମୁଖ୍ୟ ଚିକିତ୍ସାଳୟ (CDMO) କାର୍ଯ୍ୟାଳୟର ଜୁନିୟର ଆସିଷ୍ଟାଣ୍ଟ ସୁବ୍ରତ କୁମାର ବେହେରାଙ୍କ ବିଭିନ୍ନ ବାସଭବନ ଓ କାର୍ଯ୍ୟାଳୟ ଉପରେ ଓଡ଼ିଶା ଭିଜିଲାନ୍ସ ପକ୍ଷରୁ ଏକକାଳୀନ ଚଢ଼ାଉ କରାଯାଇଛି। ସୁବ୍ରତ ପ୍ରାୟ ୨.୩୮ କୋଟି ଟଙ୍କାର ସରକାରୀ ପାଣ୍ଠି ହରିଲୁଟ କରିଥିବା ଅଭିଯୋଗରେ କଟକ ଭିଜିଲାନ୍ସ ଥାନାରେ କେସ ନଂ ୦୬/୨୦୨୬ ଅନୁଯାୟୀ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ଭିଜିଲାନ୍ସର ୫ ଜଣ ଡିଏସପି, ୮ ଜଣ ଇନ୍ସପେକ୍ଟର ଏବଂ ୧୪ ଜଣ ଏଏସଆଇଙ୍କ ନେତୃତ୍ୱରେ ମୋଟ ୫ଟି ସ୍ଥାନରେ ତଲାସି ଜାରି ରହିଛି।
ଅନୁଗୋଳର ହାକିମପଡ଼ାସ୍ଥିତ ସୁବ୍ରତଙ୍କ ତିନି ମହଲା ବିଶିଷ୍ଟ ବାସଭବନ, ଅନୁଗୋଳ (ନାଲକୋ ନଗର) ବୋଣ୍ଡା ଗ୍ରାମରେ ଥିବା ସମ୍ପର୍କୀୟଙ୍କ ଘର। ଢେଙ୍କାନାଳର ହିନ୍ଦୋଳ ବାଉଁଶପୋଖରୀ ସ୍ଥିତ ପୈତୃକ ବାସଭବନ। ଭୁବନେଶ୍ୱରରେ ଶ୍ରୀବିହାରସ୍ଥିତ ସମ୍ପର୍କୀୟ ଭାଇଙ୍କ ଭଡ଼ାଘର। ଅନୁଗୋଳ ସିଡିଏମଓ କାର୍ଯ୍ୟାଳୟରେ ଥିବା ତାଙ୍କ ପ୍ରକୋଷ୍ଠରେ ମଧ୍ୟ ପୋଲିସ ଛାନ୍ଭିନ୍ କରିଛି।
ବର୍ତ୍ତମାନ ସୁଦ୍ଧା ଚଢ଼ାଉ ଜାରି ରହିଛି ଏବଂ ଅଧିକ ତଥ୍ୟ ମିଳିବା ପରେ ସବିଶେଷ ବିବରଣୀ ପ୍ରଦାନ କରାଯିବ।