ମୁମ୍ବାଇ: ସାଧାରଣତଃ ସେଲିବ୍ରିଟିମାନେ ନିଜକୁ ଫିଟ୍ ରଖିବାକୁ ମନ ପସନ୍ଦର ଖାଦ୍ୟ ଖାଇ ପାରନ୍ତି ନାହିଁ । ସେମାନେ ଅନେକ ସମୟରେ ଜିମ୍ ଡାଏଟରେ ରହିଥାଆନ୍ତି । ଆଉ ଯଦି କେହି ଏହାକୁ ନ ମାନନ୍ତି ତେବେ ଏହା ତାଙ୍କୁ ଅସୁବିଧାରେ ପକାଇଥାଏ । ମାନେ ଏମାନେ କ୍ୟାଲୋରୀ ବର୍ନ କଲେ ଏହାକୁ ତୁରନ୍ତ ହଟାଇବାକୁ ଲାଗି ପଡନ୍ତି । ନିକଟରେ ଏହାହିଁ ଘଟିଛି ବଲିଉଡ ଅଭିନେତା ଭିକ୍କି କୌଶଲଙ୍କ କ୍ଷେତ୍ରରେ । ନିକଟରେ ସେ ତାଙ୍କ ମନ ପସନ୍ଦର ଖାଦ୍ୟ ପେଟଭରି ଖାଇ ନେଇଥିଲେ । ଅର୍ଥାତ୍ ଫ୍ରେଞ୍ଚ ଫ୍ୟାଇଜ । ଏହାର ଏକ ଫଟୋ ସେ ସୋସିଆଲ ମିଡିଆରେ ଶେୟାର କରି ଏହି ସୂଚନା ଦେଇଛନ୍ତି । ତେବେ ମନ ପସନ୍ଦର ଖାଦ୍ୟ ସିନା ଖାଇଦେଲେ । ହେଲେ ତା’ପରଦିନ ଜିମ୍ରେ ତାଙ୍କୁ ଖୁବ୍ ମେହନତ୍ କରିବାକୁ ପଡିଥିଲା । ଭିକ୍କି ଗୋଟିଏ ପଟେ ଫ୍ରେଞ୍ଚ ଫ୍ରାଇଜ ଖାଉଥିବାର ଏକ ଫଟୋ ଶେୟାର କରିଥିବା ବେଳେ ଅନ୍ୟପଟେ ଜିମ୍ରେ ଝାଳ ବୁହାଉଥିବାରୁ ଫଟୋ ଶେୟାର କରି ଲେଖିଥିଲେ, ‘ଟାଇମ ଟୁ ପେ ଫର ଫ୍ରେଞ୍ଚ ଫ୍ରାଇଜ’ । ତେବେ ଫ୍ରେଞ୍ଚ ଫ୍ରାଇଜ ପାଟିକୁ ସ୍ୱାଦ ଦେଲା ସତ ହେଲେ ଜିମରେ କ୍ୟାଲୋରୀ ବର୍ନ କରିବା ନିହାତି ଜରୁରୀ ଥିଲା ଭିକ୍କିଙ୍କ ପାଇଁ ।
