ନୂଆଦିଲ୍ଲୀ,୧୮।୪: ଉଦୀୟମାନ ସନ୍ତରଣକାରୀ ବେଦାନ୍ତ ମାଧବନ ଚଳିତ ଦାନିଶ ଓପନରେ ଚମତ୍କାର ପ୍ରଦର୍ଶନ ଜାରି ରଖି ଦ୍ୱିତୀୟ ସ୍ବର୍ଣ୍ଣ ପଦକ ଜିତିଛନ୍ତି। କୋପେନହେଗେନଠାରେ ଚାଲିଥିବା ପ୍ରତିଯୋଗିତାର ପୁରୁଷ ୮୦୦ ମିଟର ଫ୍ରିଷ୍ଟାଇଲରେ ଶୀର୍ଷ ସଫଳତା ପାଇଛନ୍ତି।
୧୬ ବର୍ଷୀୟ ସୁଇମର ରେସ୍କୁ ୮:୧୭.୨୮ ସେକେଣ୍ଡରେ ଶେଷ କରି ନିଜସ୍ବ ଶ୍ରେଷ୍ଠ ଟାଇମିଂ ହାସଲ କରିଛନ୍ତି। ସ୍ଥାନୀୟ ସୁଇମର ଆଲେକ୍ସଜାଣ୍ଡର ଏଲ୍ ବିୟର୍ନଙ୍କୁ ୦.୧୦ ସେକେଣ୍ଡରେ ପଛରେ ପକାଇ ବେଦାନ୍ତ ରବିବାର ରାତିରେ ପୋଡିୟମରେ ଶୀର୍ଷସ୍ଥାନ ମଣ୍ଡନ କରିଥିଲେ। ବେଦାନ୍ତଙ୍କ ପ୍ରଦର୍ଶନ ତାଙ୍କୁ ଏହି ପ୍ରତିଯୋଗିତାରେ ସ୍ବର୍ଣ୍ଣ ପଦକ ଆଣି ଦେଇଥିଲେ ମଧ୍ୟ ଅନ୍ତର୍ଜାତୀୟ ସ୍ତରଠୁ ସେ ଯଥେଷ୍ଟ ଦୂରରେ ଅଛନ୍ତି। କିନ୍ତୁ ବଲିଉଡ୍ ଅଭିନେତା ଆର. ମାଧବନଙ୍କ ପୁଅ ବେଦାନ୍ତ ଚଳିତ ପ୍ରତିଯୋଗିତାର ୩ ଇଭେଣ୍ଟରେ ନିଜ ଟାଇମିଂକୁ ଭଲ କରିଛନ୍ତି।
