ଓ୍ବାଶିଂଟନ୍,୨।୧୦: ଆମେରିକା ଏବଂ ୟୁକ୍ରେନ ମଧ୍ୟରେ ବଢୁଥିବା ଘନିଷ୍ଠତା କାହାକୁ ଅଛପା ନାହିଁ। ଆମେରିକା ୟୁକ୍ରେନ ସର୍ବଦା ପ୍ରତି ପ୍ରତିବଦ୍ଧ ରହିଛି। ଆମେରିକା ରାଷ୍ଟ୍ରପତି କହିଛନ୍ତି, ୟୁକ୍ରେନକୁ ସମର୍ଥନ କରିବା ପାଇଁ ୱାଶିଂଟନ ପଛଘୁଞ୍ଚା ଦେବ ନାହିଁ। ଆମେରିକାର ସଂସଦରେ ସ୍ବଳ୍ପ ମିଆଦି ବିଲ ପାରିତ ହେବାର କିଛି ସମୟ ପରେ ଆମେରିକାର ରାଷ୍ଟ୍ରପତି ଜୋ ବାଇଡେନ ଏହି ମନ୍ତବ୍ୟ ଦେଇଛନ୍ତି।
ବାଇଡେନ କହିଛନ୍ତି ଯେ, ମୁଁ ଆମେରିକୀୟ ଏବଂ ୟୁକ୍ରେନୀୟମାନଙ୍କୁ ନିଶ୍ଚିତ କରିବାକୁ ଚାହୁଁଛି ଯେ ଆପଣ ଆମର ସମର୍ଥନ ଉପରେ ଭରସା କରିପାରିବେ। ଆମେ ପଛକୁ ଫେରିବୁ ନାହିଁ। ୟୁକ୍ରେନକୁ ସମର୍ଥନ ଆମେ ଜାରି ରଖିବୁ। ମୁଁ ଆଶା କରୁଛି ମୋର ବନ୍ଧୁମାନେ ୟୁକ୍ରେନ ପାଇଁ ସମର୍ଥନ ଜଣାଇବେ। ୟୁକ୍ରେନ ପାଇଁ ଆମେରିକାର ସମର୍ଥନକୁ କୌଣସି ପରିସ୍ଥିତିରେ ବାଧା ଦେବାକୁ ଆମେ ଅନୁମତି ଦେବୁ ନାହିଁ। ୟୁକ୍ରେନ ବର୍ତ୍ତମାନ ଆକ୍ରୋଶ ଏବଂ ନିଷ୍ଠୁରତା ବିରୋଧରେ ଯୁଦ୍ଧ କରୁଛି। ତେଣୁ ଆମେ ସହାୟତା ଦେବା ଜରୁରୀ। ସୂଚନାଯୋଗ୍ୟ, ୟୁକ୍ରେନକୁ ଆମେରିକାର ସହାୟତାକୁ ନେଇ ଦେଶରେ ଅସନ୍ତୋଷର ବାତାବରଣ ସୃଷ୍ଟି ହୋଇଛି।
