ୱାଶିଂଟନ,୨ ।୩: ଆମେରିକା ପ୍ରତିରକ୍ଷା ମୁଖ୍ୟାଳୟ ପେଣ୍ଟାଗାନ କହିଛି, ସୂଚନା ମିଳିଛି କି ଚାଇନା ୟୁକ୍ରେନ ବିରୋଧ ଯୁଦ୍ଧରେ ରୁଷିଆକୁ ସହଯୋଗ କରିବାକୁ ବିଚାର କରୁଛି । ପେଣ୍ଟାଗନର ପ୍ରେସ ସଚିବ ବ୍ରିଗେଡିୟର ଜେନରାଲ ପ୍ୟାଡ ରାଇଡର କହିଛନ୍ତି, ଏହା ବିନାଶକାରୀ ହୋଇପାରେ । ଏହା ପୂର୍ବରୁ ବାଇଡେନ ପ୍ରାଶସନ ବି ୟୁକ୍ରେନ୍ ଯୁଦ୍ଧରେ ଚାଇନା ଦ୍ୱାରା ରୁଷିଆକୁ ଡ୍ରୋନ ଓ ଆଧୁନିକ ଅସ୍ତ୍ରଶସ୍ତ୍ର ଯୋଗାଇଦେବା ଆଶଙ୍କା କରିଛି ।
ବ୍ରିଗେଡିୟର ଜେନରାଲ ପ୍ୟାଡ ରାଇଡର କହିଛନ୍ତି, ଆମର ସଙ୍କେତ ସ୍ପଷ୍ଟ ଯେ ଚାଇନା ଏଥର ରୁଷିଆକୁ ସାହାଯ୍ୟ କରିବାକୁ ନେଇ ବିଚାର କରୁଛି । ମୋ ନିକଟରେ ଏହାକୁ ନେଇ କୌଣସି ଅତିରିକ୍ତ ସୂଚନା ଅବା କୌଣସି ଗୁଇନ୍ଦା ସୂଚନା ନାହିଁ । ମୁଁ ସ୍ପଷ୍ଟ କରୁଛି ଏହା ଏକ ବହୁତ ବଡ ଭୁଲ ନିଷ୍ପତ୍ତି । ଏହା ଏମିତି କଥା ଯାହା ଉପରେ ପେଣ୍ଟାଗନ ତିକ୍ଷ୍ଣ ଦୃଷ୍ଟି ରଖିଛି ।
