ଭଞ୍ଜନଗର,୮।୭(ବାବୁଲା ପ୍ରଧାନ)- ଗଞ୍ଜାମ ଜିଲା ଭଞ୍ଜନଗର ବ୍ଲକ ସମ୍ମୁଖରେ ମଙ୍ଗଳବାର ଅପରାହ୍ନରେ ଦୁଇଟି ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ୪ ଜଣ ଆହତ ହୋଇଛନ୍ତି। ଆହତ ମାନେ ହେଲେ ଆଦିତ୍ୟ ପ୍ରଧାନ, ସଂଗ୍ରାମ ମଲ୍ଲିକ, ବିକାଶ ମଲ୍ଲିକ, ଅନିତା ମଲ୍ଲିକ । ଭଞ୍ଜନଗର ଥାନା ଏ ଏସ ଆଇ ଶରତ ଚନ୍ଦ୍ର ପଣ୍ଡା ଆହତ ମାନକୁ ଉଦ୍ଧାର କରି ଭଞ୍ଜନଗର ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ।
ଘଟଣାରୁ ପ୍ରକାଶ ଯେ, କୌଣସି ବ୍ୟକ୍ତି ହେଉ କିମ୍ବା ଠିକାଦାର କାମ କରିବା ସମୟରେ ଅନେକ ସମୟ ରାସ୍ତା ଉପରେ ବାଲି, ପଥର, ଗୋଡ଼ି ସମେତ ଅନେକ ଜିନିଷ ରଖିଦିଅନ୍ତି । ଏହାଦ୍ବାରା ଯାନବାହନ ଚଳାଚଳରେ ବାଧାପ୍ରାପ୍ତ ହୋଇଥାଏ। କିନ୍ତୁ ଏଥିପ୍ରତି କିଏ ଧ୍ୟାନ ଦିଅନ୍ତି ନାହିଁ। ଏହିଭଳି ଭଞ୍ଜନଗରର ପ୍ରଦୀପ ପ୍ରଧାନ ବ୍ଲକ ଛକରୁ ସହର ଅଭିମୁଖେ ନିଜ ବାଇକରେ
ଯାଉଥିବା ବେଳେ ବିପରୀତ ଦିଗରୁ ସୋରଡ଼ାର ଉକ୍ତ ୩ ଜଣ ଅନ୍ୟ ଏକ ବାଇକରେ ବ୍ଲକ ଆଡ଼େ ଆସୁଥିଲେ। ଏହି ସମୟରେ ରାସ୍ତା ଉପରେ ବାଲିଗଦା ଥିବା ଯୋଗୁ ଭାରସାମ୍ୟ ହରାଇ ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା।
