ସିଡନୀ,୪।୧: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଲାଯାଉଥିବା ବର୍ଡର-ଗାର୍ଭସ୍କର ଟ୍ରଫିର ତୃତୀୟ ମ୍ୟାଚ୍ ଜାନୁଆରୀ ୭ରୁ ଆରମ୍ଭ ହେବାକୁ ଯାଉଛି। ଏହି ଟେଷ୍ଟ ମ୍ୟାଚ୍ ପୂର୍ବରୁ କ୍ୱାରାଣ୍ଟାଇନ୍ ନିୟମକୁ ନେଇ ବିବାଦ ଦେଖାଯାଇଛି। କରୋନା ଯୋଗୁ ବିଭିନ୍ନ ଦେଶରେ ବିଭନ୍ନ ନିୟମ କରାଯାଇଛି। କ୍ରିକେଟର୍ସମାନଙ୍କ ପାଇଁ ମଧ୍ୟ ଏହି ନିୟମ ହୋଟେଲରେ ଲାଗୁ ହୋଇଛି। ଭାରତୀୟ କ୍ରିକେଟର୍ସଙ୍କ ପାଇଁ ଏହି ଭେଦଭାବପୂର୍ଣ୍ଣ ନିୟମକୁ ନେଇ ଆପତ୍ତି ରହିଛି। ସିଡନୀ ଟେଷ୍ଟ ପୂର୍ବରୁ ଭାରତୀୟ ଦଳର ପ୍ରତ୍ୟେକ ଖେଳାଳି ଏବଂ ସପୋର୍ଟ ଷ୍ଟାଫ୍ଙ୍କ କରୋନା ଟେଷ୍ଟ କରାଯାଇଥିଲା। ସମସ୍ତଙ୍କ ରିପୋର୍ଟ ନେଗେଟିଭ୍ ଆସିଛି। ଏହାସତ୍ତ୍ୱେ ଖେଳାଳିଙ୍କୁ ହୋଟେଲ୍ କ୍ୱାରାଣ୍ଟାଇନରେ ରହିବାକୁ ନିର୍ଦ୍ଦେଶ ଦିଆଯାଇଛି। ଏଥିରେ ଦଳର ଖେଳାଳି ଆପତ୍ତି ଉଠାଇଛନ୍ତି। ସେମାନେ କହିଛନ୍ତି ଯଦି ଦର୍ଶକଙ୍କୁ ମ୍ୟାଚ୍ ଦେଖିବାକୁ ଅନୁମତି ଦିଆଯାଉଛି ତେବେ ଆମେ କାହିଁକି ହୋଟେଲ୍ କ୍ୱାରାଣ୍ଟାଇନରେ ରହିବୁ। ଚିଡିଆ ଘରେ ରହୁଥିବା ପଶୁମାନଙ୍କ ଭଳି ଆମ ସହ ବ୍ୟବହାର କରାଯାଉ। ଆମେ ସରକାରୀ ନିୟମ ମାନିବାକୁ ପ୍ରସ୍ତୁତ କିନ୍ତୁ ଅଷ୍ଟ୍ରେଲିଆ ଖେଳାଳିଙ୍କ ସହ ଯେଉଁଭଳି ବ୍ୟବହାର କରାଯାଉଛି ସେମିତି ଆମ ସହ କରାଯାଉ। ଅନ୍ୟ ଦେଶର ଭାବି ଏଭଳି କଠୋର ନିୟମ କରାଯିବାର ଯଥାର୍ଥତା ନାହିଁ ବୋଲି ଭାରତୀୟ ଖେଳାଳି କହିଛନ୍ତି।
